Prathinidhi Online
Related Articles
ഹൈദരാബാദ്: തെലങ്കാനയിലെ കാമറെഡ്ഡി ജില്ലയില് 500ഓളം തെരുവുനായകള് വിഷം ഉള്ളില്ച്ചെന്ന് ചത്ത നിലയില്. പഞ്ചായത്ത് തിരഞ്ഞെടുപ്പിന്റെ സമയത്ത് തെരുവുനായകളെ ഉന്മൂലനം ചെയ്യുമെന്ന് സ്ഥാനാര്ത്ഥികള് വോട്ടര്മാര്ക്ക് വാഗ്ദാനം നല്കിയിരുന്നു. തിരഞ്ഞെടുപ്പിന് പിന്നാലെ കഴിഞ്ഞ ആഴ്ചയിലാണ് കൂട്ടത്തോടെ നായകള് ചത്ത നിലയില് കണ്ടെത്തിയത്. ജനപ്രതിനിധികളാണ് നായകളെ കൊന്നൊടുക്കിയതെന്നാണ് റിപ്പോര്ട്ടുകള്.
സംഭവത്തില് 5 പഞ്ചായത്തംഗങ്ങള് ഉള്പ്പെടെ ആറ് പേര്ക്കെതിരെ പോലീസ് കേസെടുത്തിട്ടുണ്ട്. ആദ്യഘട്ടത്തില് 300 ഓളം നായകളായിരുന്നു ചത്തത്. പിന്നീട് 200 എണ്ണത്തിനെ കൂടി ചത്ത നിലയില് കണ്ടെത്തി. ആദ്യത്തെ സംഭവത്തില് ജനപ്രതിനിധികളടക്കം 9 പേര്ക്കെതിരെ കേസുടത്തിരുന്നു. ഹനംകൊണ്ട ജില്ലയിലെ ശ്യാംപേട്ട്, അലെപള്ളി ഗ്രാമങ്ങളിലെ ജനപ്രതിനിധികള്ക്കെതിരെയാണ് കേസ്.
comments
