Prathinidhi Online
Related Articles
പാലക്കാട്: സംസ്ഥാനത്ത് വീണ്ടും രണ്ട് കുട്ടികള്ക്ക് കൂടി അമീബിക് മസ്തിഷ്ക ജ്വരം സ്ഥിരീകരിച്ചു. കണ്ണൂര് സ്വദേശിയായ മൂന്നര വയസുകാരനും കാസര്കോട് സ്വദേശിയായ ആറ് വയസുകാരനുമാണ് രോഗബാധ സ്ഥിരീകരിച്ചത്. ഇരുവരും കോഴിക്കോട് മെഡിക്കല് കോളേജില് ചികിത്സയിലാണ്. കുട്ടികളുടെ ആരോഗ്യനില തൃപ്തികരമാണെന്ന് ആശുപത്രി അധികൃതര് അറിയിച്ചു. നിലവില് രോഗബാധ മൂലം നാലു കുട്ടികള് മാതൃശിശു സംരക്ഷണ കേന്ദ്രത്തില് ചികിത്സയിലുണ്ട്. മെഡിക്കല് കോളജില് മൂന്നുപേരും ചികിത്സയിലുണ്ട്.
പാലക്കാട് കൊടുമ്പ് പഞ്ചായത്തില് 62 കാരനായ ഒരാള്ക്ക് ഇന്നലെ രോഗം സ്ഥിരീകരിച്ചിരുന്നു. ഇയാള് അതീവ ഗുരുതരാവസ്ഥയില് വെന്റിലേറ്ററില് തുടരുകയാണ്. രോഗ ഉറവിടം ഇതുവരെ വ്യക്തമായിട്ടില്ല. പ്രദേശത്ത് ആരോഗ്യ വകുപ്പിന്റെ പരിശോധന തുടരുകയാണ്.
comments
