Prathinidhi Online
Related Articles
തിരുവനന്തപുരം: മുന് ഡിജിപി ആര്.ശ്രീലേഖ തിരുവനന്തപുരത്ത് ബിജെപി സ്ഥാനാര്ത്ഥിയാകും. തിരുവനന്തപുരം കോര്പറേഷനിലേക്കുള്ള തിരഞ്ഞെടുപ്പില് ശാസ്തമംഗലം വാര്ഡില് നിന്നാണ് ശ്രീലേഖ ജനവിധി തേടുന്നത്. പ്രമുഖര് അടക്കം 67 സ്ഥാനാര്ത്ഥികളെ പാര്ട്ടി സംസ്ഥാന പ്രസിഡന്റ് രാജവ് ചന്ദ്രശേഖര് പ്രഖ്യാപിച്ചു. ഇന്ത്യയിലെ മികച്ച നഗരമാക്കി തിരുവനന്തപുരത്തെ മാറ്റുമെന്നും ഭരിക്കാന് ഒരവസരമാണ് ബിജെപി ചോദിക്കുന്നതെന്നും സ്ഥാനാര്ത്ഥി പ്രഖ്യാപനത്തിനിടെ രാജീവ് ചന്ദ്രശേഖര് പറഞ്ഞു.
വികസിത അനന്തപുരി എന്നത് ബിജെപിയുടെ ഉറപ്പാണ്. തലസ്ഥാനത്തിന്റെ സാധ്യതകള് യാഥാര്ത്ഥ്യമാക്കാനുള്ള ഭരണമാമ് ബിജെപി വാഗ്ദാനം ചെയ്യുന്നതെന്നും രാജീവ് ചന്ദ്രശേഖര് കൂട്ടിച്ചേര്ത്തു. നേമത്ത് എം.ആര് ഗോപന്, വഴുതക്കാട് ലത ബാലചന്ദ്രന്, പാളയത്ത് പത്മിനി തോമസ്, കഴക്കൂട്ടത്ത് അനില് കഴക്കൂട്ടം, കൊടുങ്ങാനൂരില് വി.വി രാജേഷ്, കരമന അജിത്ത് എന്നിവര് സ്ഥാനാര്ത്ഥികളാകും. കോണ്ഗ്രസ് വിട്ടുവന്ന തമ്പാനൂര് സതീഷ് തമ്പാനൂരില് മത്സരിക്കും.
