Prathinidhi Online
Related Articles
പാലക്കാട്: കുടുംബശ്രീയുടെ നേതൃത്വത്തില് നടന്ന പതിമൂന്നാമത് ദേശീയ സരസ് മേളയിലെ മാധ്യമ പുരസ്കാരങ്ങള് ദേശാഭിമാനിയും മാതൃഭൂമിയും കേബിള് വിഷനും സ്വന്തമാക്കി. മേളയുടെ സമാപന സമ്മേളനത്തില് തദ്ദേശ സ്വയംഭരണ വകുപ്പ് മന്ത്രി എം.ബി. രാജേഷ് പുരസ്കാരങ്ങള് സമ്മാനിച്ചു. 5000 രൂപയും മെമെന്റോയും അടങ്ങുന്നതാണ് അവാര്ഡ്. അച്ചടി മാധ്യമ വിഭാഗത്തില് മികച്ച റിപ്പോര്ട്ടര്ക്കുള്ള പുരസ്കാരം ദേശാഭിമാനിയിലെ അഖില ബാലകൃഷ്ണന് കരസ്ഥമാക്കി. മികച്ച ഫോട്ടോഗ്രാഫറായി ദേശാഭിമാനിയിലെ തന്നെ ശരത് കല്പ്പാത്തി നേടി.
അച്ചടി വിഭാഗത്തില് സമഗ്ര കവറേജിനുള്ള പുരസ്കാരം ദേശാഭിമാനിക്കാണ്. മാതൃഭൂമി പ്രത്യേക ജൂറി പരാമര്ശത്തിന് അര്ഹമായി. ദൃശ്യമാധ്യമ വിഭാഗത്തില് മികച്ച റിപ്പോര്ട്ടര്ക്കുള്ള പുരസ്കാരം പട്ടാമ്പി കേബിള് വിഷനിലെ എം. വിഷ്ണു ഏറ്റുവാങ്ങി. ദൃശ്യമാധ്യമ വിഭാഗത്തിലെ സമഗ്ര കവറേജിനുള്ള പുരസ്കാരവും പട്ടാമ്പി കേബിള് വിഷന് സ്വന്തമാക്കി.
