Prathinidhi Online
Related Articles
റേഷന്കടകള് കെ-സ്റ്റോറുകളാക്കുന്നു; വരുന്നത് ബാങ്കിങ് സേവനങ്ങള് ഉള്പ്പെടെയുള്ള സൗകര്യങ്ങള് റേഷന് കടകളിലെ സേവനങ്ങള് വിപുലമാക്കുന്നതിന്റെ ഭാഗമായി പുത്തന് സേവനങ്ങള് അവതരിപ്പിക്കുന്നതായി ഭക്ഷ്യവകുപ്പ് മന്ത്രി ജി.ആര് അനില്. വിവിധ സേവനങ്ങള് ലഭ്യമാക്കിയും അടിസ്ഥാന സൗകര്യങ്ങളുള്ള എല്ലാ റേഷന് കടകളെയും ഘട്ടം ഘട്ടമായി കെ-സ്റ്റോറുകളാക്കി കൂടുതല് ജനസൗഹൃദ കേന്ദ്രങ്ങളാക്കുമെന്നുമാണ് മന്ത്രിയുടെ പ്രഖ്യാപനം. തിരുവനന്തപുരം താലൂക്കിലെ FPS 141ാം നമ്പര് കെ-സ്റ്റോറിന്റെ ഉദ്ഘാടനം നിര്വഹിക്കുന്നതിനിടെയായിരുന്നു മന്ത്രി.
സംസ്ഥാനത്ത് 2188 കെ-സ്റ്റോറുകള് നിലവിലുണ്ട്. എംഎസ്എംഇ ഉല്പന്നങ്ങള്, മില്മ ഉല്പന്നങ്ങള്, കശുവണ്ടി വികസന കോര്പ്പറേഷന് ഉല്പന്നങ്ങള്, ചോട്ടു ഗ്യാസ്, CSC സേവനങ്ങള്, ബാങ്കിംഗ് സേവനങ്ങള് എന്നിവ കെ-സ്റ്റോറുകള് മുഖേന ഉറപ്പാക്കാനാണ് സര്ക്കാര് പദ്ധതി. കെ-സ്റ്റോറുകള് മുഖേന ലഭ്യമാകുന്ന സേവനങ്ങള് ജനങ്ങള് പരമാവധി ഉപയോഗപ്പെടുത്തണമെന്നും മന്ത്രി കൂട്ടിച്ചേര്ത്തു.
