Prathinidhi Online
Related Articles
പാലക്കാട്: ജനപ്രിയ പ്ലാനുകൾ അവതരിപ്പിച്ച് ബി.എസ്.എൻ.എൽ. 50 ദിവസത്തേയ്ക്ക് 347 രൂപയുടെ പ്ലാനാണ് കമ്പനി പുതുതായി അവതരിപ്പിച്ചത്. പ്രതിദിനം ഉപയോക്താക്കൾക്ക് രണ്ട് ജിബി ഡാറ്റ, അൺലിമിറ്റഡ് കോളിംഗ്, ദിവസേന 100 സൗജന്യ എസ്എംഎസുകൾ എന്നിവ ഉൾപ്പെടെ നിരവധി ആനുകൂല്യങ്ങളാണ് പ്ലാൻ വാഗ്ദാനം ചെയ്യുന്നത്.
നിലവിൽ രാജ്യത്തെ പ്രമുഖ ടെലികോം സേവന ദാതാക്കളിൽ ആരും ഇത്തരം മികച്ച പ്ലാനുകൾ നൽകുന്നില്ല. പ്ലാൻ അനുസരിച്ച് ഉപയോക്താക്കൾക്ക് പ്രതിദിനം ഏഴ് രൂപയിൽ താഴെ മാത്രമേ ചെലവ് വരുന്നുള്ളൂ. ഇതേ ഓഫർ സ്വകാര്യ ടെലികോം കമ്പനികളിൽ നിന്ന് ലഭിക്കണമെങ്കിൽ ഇരട്ടി തുക നൽകേണ്ടതായി വരും. ഇന്ത്യയിൽ സൗജന്യ റോമിംഗും പ്ലാനിലുണ്ട്. ഇതിന് പുറമെ ബിഐടിവി ആപ്പിലൂടെ ഉപയോക്താക്കൾക്ക് 350 ലധികം ലൈവ് ടിവി ചാനലുകൾ കാണാനും അവസരമുണ്ട്. വൈവിധ്യമാർന്ന ജനപ്രിയ സ്ട്രീമിംഗ് ആപ്പുകൾ അനുവദിക്കുന്ന സേവനമാണ് ബിഐടിവിയി.
ഈ വർഷം അവസാനമോ അടുത്ത വർഷം ആദ്യമോ ബിഎസ്എൻഎലിന്റെ 5-ജി സേവനം രാജ്യത്ത് ഉപയോക്താക്കൾക്ക് ലഭ്യമായി തുടങ്ങും. രാജ്യത്ത് ഉടനീളമുള്ള ടെലികോം സർക്കിളുകളിലേക്ക് ഈ സേവനം വ്യാപിപ്പിക്കുന്നതിന് മുമ്പ് ഡൽഹിയിലും മുംബൈയിലും പൈലറ്റ് പ്രോജക്ടായി മെയ്ഡ് ഇൻ ഇന്ത്യ 5-ജി സേവനം ഉടൻ ആരംഭിക്കാനുള്ള നടപടികൾ പുരോഗമിക്കുകയാണ്. ഇതിന്റെ മുന്നോടിയായാണ് രാജ്യത്ത് ഉടനീളം കൂടുതൽ ഉപയോക്താക്കളെ ആകർഷിക്കുന്നതിനായി ഏറ്റവും ചെലവ് കുറഞ്ഞ പ്രീപെയ്ഡ് പ്ലാനുകളുമായി ബിഎസ്എൻഎൽ രംഗത്ത് വന്നിട്ടുള്ളത്.
