Prathinidhi Online
Related Articles
പാലക്കാട്: ഓടിക്കൊണ്ടിരുന്ന കാറിന് തീപിടിച്ച് പൂര്ണമായി കത്തിനശിച്ചു. ഇന്നലെ രാത്രി ഒന്പതരയോടെ കോഴിക്കോട് ബൈപാസ് റോഡില് കൊപ്പം ജംങ്ഷനു സമീപമാണ് അപകടം. കൊപ്പത്ത് താമസിക്കുന്ന പാലക്കാട് സഹകരണ ആശുപത്രിയിലെ പീഡിയാട്രീഷ്യന് ഡോ.സഞ്ജീവ് കുമാറിന്റെ കാറാണ് കത്തിനശിച്ചത്. ഡോക്ടറും ഭാര്യയും വീട്ടിലേക്ക് പോകുന്നതിനിടയിലാണ് സംഭവം.
കൊപ്പം ജംഗ്ഷന് സിഗ്നല് എത്തുന്നതിന് മുന്പ് വാഹനത്തിന്റെ മുന്വശത്ത് നിന്ന് ചെറിയ തോതില് തീ ഉയരുന്നത് ഇവര് കണ്ടിരുന്നു. ഉടന് വാഹനം റോഡരികില് നിര്ത്തി ഡോക്ടറും ഭാര്യയും ഇറങ്ങി ഓടുകയായിരുന്നു. അപ്പോഴേക്കും തീ വാഹനം മുഴുവന് പടര്ന്നിരുന്നു. അഗ്നിരക്ഷാസേനയുടെ മൂന്ന് യൂണിറ്റെത്തിയാണ് തീയണച്ചത്. ഷോര്ട്ട് സര്ക്യൂട്ടാണ് അപകട കാരണമെന്നാണ് പ്രാഥമിക നിഗമനം.
comments
