News

കോഴിക്കോട്: സംസ്ഥാനത്ത് വീണ്ടും അമീബിക് മസ്തിഷ്‌ക ജ്വരം ബാധിച്ച് മരണം റിപ്പോര്‍ട്ട് ചെയ്തു. കോഴിക്കോട് പുതിയങ്ങാടി സ്വദേശി സച്ചിദാനന്ദന്‍ (72) ആണ് മരിച്ചത്. ഛര്‍ദ്ദിയും പനിയും ബാധിച്ച് ഒരാഴ്ചയായി സ്വകാര്യ ആശുപത്രിയില്‍ ചികിത്സയിലായിരുന്നു. എവിടെ നിന്നാണ് അസുഖം ബാധിച്ചത് എന്ന കാര്യത്തില്‍ ഇതുവരെ വ്യക്തതയായിട്ടില്ല. വീട്ടിലെ കിണര്‍ വെള്ളത്തിന്റെ സാമ്പിള്‍ പരിശോധനയ്ക്കായി അയച്ചിട്ടുണ്ട്. കഴിഞ്ഞ വര്‍ഷം മാത്രം ഇരുന്നൂറിനടുത്ത് ആളുകള്‍ക്കാണ് സംസ്ഥാനത്ത് രോഗബാധ സ്ഥിരീകരിച്ചത്. നാല്‍പതിലേറെ മരണങ്ങളും റിപ്പോര്‍ട്ട് ചെയ്തു. …

തൃശൂര്‍: തൃശൂര്‍ റെയില്‍വേ സ്റ്റേഷനില്‍ വന്‍ തീപിടുത്തം. സ്റ്റേഷന്റെ രണ്ടാമത്തെ ഗേറ്റിനടുത്തുള്ള ബൈക്ക് പാര്‍ക്കിങ് ഏരിയയിലാണ് തീപിടിച്ചത്. നൂറിലധികം ബൈക്കുകള്‍ കത്തിനശിച്ചു. രാവിലെ 6.30 ഓടെയാണ് അപകടം. 600 ലധികം ബൈക്കുകള്‍ സ്റ്റേഷനില്‍ പാര്‍ക്ക്‌ ചെയ്തിരുന്നതായാണ് വിവരം. രണ്ടാം ഗേറ്റിലെ ടിക്കറ്റ് കൗണ്ടര്‍ പൂര്‍ണമായും കത്തിനശിക്കുകയും നിര്‍ത്തിയിട്ടിരുന്ന എഞ്ചിന്‍ കത്തുകയും ചെയ്തു. സമീപത്തുള്ള മരങ്ങളിലേക്കും തീപടര്‍ന്നിരുന്നു. ഫയര്‍ഫോഴ്‌സിന്റെ 5 യൂണിറ്റുകളെത്തിയാണ് തീയണച്ചത്. സംസ്ഥാന പോലീസ് മേധാവി ഉള്‍പ്പെടെയുള്ളവര്‍ സ്ഥലത്തെത്തിയിരുന്നു.

തിരുവനന്തപുരം: കുട്ടികൾ കുറഞ്ഞതിനെത്തുടർന്ന് സംസ്ഥാനത്തെ എയ്ഡഡ് സ്‌കൂളുകളിൽനിന്ന്‌ പുറത്തായത് അഞ്ഞൂറിലേറെ അധ്യാപകർ. സർക്കാർ സ്കൂളുകളിൽ തസ്തിക നഷ്ടമുണ്ടായാൽ അധ്യാപകർക്ക് സർക്കാരിൻ്റെ സംരക്ഷണം ലഭിക്കും. ജോലി സംരക്ഷിക്കാനായി പുനർ  വിന്യസിക്കുകയും ചെയ്യും. എന്നാൽ എയ്ഡഡ് അധ്യാപകർക്ക് ഈ സംരക്ഷണം ലഭിക്കില്ല. ഔദ്യോഗിക കണക്കുകൾ പ്രകാരം ഇത്തരത്തിൽ പുറത്തു പോകുന്നത് 511 അധ്യാപകരാണ്. അധ്യാപകരെ സംരക്ഷിക്കണമെന്നാവശ്യപ്പെട്ട് ഇടതുപക്ഷ അധ്യാപക സംഘടനകളിൽ ഉൾപ്പെടെയുള്ളവർ രംഗത്ത് വന്നെങ്കിലും സർക്കാർ നടപടിയൊന്നും എടുത്തിട്ടില്ല. സ്കൂളുകളിൽ പ്രഥാനാധ്യാപകരെ നിയമിക്കുമ്പോൾ …

കൊച്ചി: എറണാകുളം ബ്രോഡ് വേ മാർക്കറ്റിൽ തീപിടിച്ച് 12 കടകൾ പൂർണമായും കത്തിനശിച്ചു. ശ്രീധർ തിയേറ്ററിന് സമീപത്തുള്ള കടകളിലാണ് തീപിടുത്തമുണ്ടായത്. പുലർച്ചെയാണ് അപകടം. ഫാൻസി സാധനങ്ങൾ, കളിപ്പാട്ടങ്ങൾ എന്നിവ വിൽക്കുന്ന കടകളിലാണ് തീപിടുത്തമുണ്ടായത്. തീയണയ്ക്കാനുള്ള ശ്രമങ്ങൾ തുടരുകയാണ്. ഫയർഫോഴ്സിൻ്റെ എട്ട് യൂണിറ്റുകൾ സ്ഥലത്തുണ്ട്. പ്ലാസ്റ്റിക് കളിപ്പാട്ടങ്ങളും ഫാൻസി സാധനങ്ങളുമുള്ള കടകളായതിനാൽ തീ അതിവേഗം പടരുകയായിരുന്നു. തീപിടിത്തത്തിന്റെ കാരണം വ്യക്തമല്ല. ആളപായമൊന്നും ഇതുവരെ റിപ്പോർട്ട് ചെയ്തിട്ടില്ല.

കോഴിക്കോട്: താമരശ്ശേരി ചുരത്തില്‍ ജനുവരി 5 മുതല്‍ ഗതാഗത നിയന്ത്രണങ്ങളുണ്ടാകുമെന്ന് പൊതുമരാമത്ത് വകുപ്പ് അറിയിച്ചു. റോഡില്‍ അറ്റകുറ്റപ്പണികള്‍ നടക്കുന്നതിനാലും മുറിച്ചിട്ട മരങ്ങള്‍ മാറ്റേണ്ടതിനാലുമാണ് ഗതാഗത നിയന്ത്രണങ്ങള്‍ ഏര്‍പ്പെടുത്തുന്നതെന്ന് പൊതുമരാമത്ത് ദേശീയപാത ഉപവിഭാഗം അസിസ്റ്റന്റ് എഞ്ചിനീയറാണ് അറിയിച്ചത്. മള്‍churamട്ടി ആക്‌സില്‍ വാഹനങ്ങളും ഭാരമേറിയ വാഹനങ്ങളും നാടുകാണി, കുറ്റ്യാടി ചുരങ്ങള്‍ വഴി പോകണമെന്നാണ് അധികൃതര്‍ അറിയിച്ചത്. ചുരത്തിലെ 6,7,8 വളവുകളില്‍ മരങ്ങള്‍ മുറിച്ചിട്ടിട്ടുണ്ട്. ഇവ ക്രെയിന്‍ ഉപയോഗിച്ച് മാറ്റേണ്ടതിനാല്‍ വലിയ വാഹനങ്ങള്‍ കടത്തി …

ആലപ്പുഴ: പക്ഷിപ്പനി സ്ഥിരീകരിച്ച സാഹചര്യത്തിൽ ആലപ്പുഴ, പത്തനംതിട്ട ജില്ലകളിലെ ഹോട്ടലുകളിൽ ചിക്കൻ വിഭവങ്ങൾ വിൽക്കുന്നതിന് നിരോധനമേർപ്പെടുത്തി. ജില്ല കലക്ടർമാരാണ് ഉത്തരവിട്ടത്. കലക്ടറുടെ ഉത്തരവിന് പിന്നാലെ ഹോട്ടലുകൾ അടച്ചിടാൻ കേരള ഹോട്ടൽ ആൻഡ് റസ്റ്ററന്റ് അസോസിയേഷൻ ആലപ്പുഴ ജില്ലാ കമ്മിറ്റി ആഹ്വാനം ചെയ്തിട്ടുണ്ട്. കലക്ടറുടെ ഉത്തരവിന്റെ പശ്ചാത്തലത്തിൽ ഭക്ഷ്യസുരക്ഷാ വകുപ്പ് ജില്ലയിലെ ഹോട്ടലുകളിൽ പരിശോധന കർശനമാക്കിയിരുന്നു. ഇതിനു പിന്നാലെയാണ് വ്യാപാരികൾ കടകൾ അടച്ചിടുമെന്ന് പ്രഖ്യാപിച്ചത്. രോഗബാധ കണ്ടെത്തിയ സ്ഥലങ്ങളിൽ തദ്ദേശസ്ഥാപന സെക്രട്ടറിമാർ സ്ക്വാഡ് …

പാലക്കാട്: സംസ്ഥാനത്തെ 6 പഞ്ചായത്തുകളിലെ പ്രസിഡന്റ്, വൈസ് പ്രസിഡന്റ് തിരഞ്ഞെടുപ്പ് ഇന്ന് നടക്കും. മുന്നണികള്‍ തമ്മിലുള്ള തര്‍ക്കങ്ങളും ക്വാറം തികയാത്തതും ഉള്‍പ്പെടെയുള്ള കാരണങ്ങളാല്‍ മാറ്റി വച്ച തിരഞ്ഞെടുപ്പാണ് ഇന്ന് നടക്കുക. ആലപ്പുഴയിലെ നെടുമുടി, വീയപുരം പഞ്ചായത്തുകളിലും കാസര്‍ഗോഡ് പുല്ലൂര്‍-പെരിയ, എറണാകുളം ജില്ലയിലെ വെങ്ങോല പഞ്ചായത്ത്, മലപ്പുറം ജില്ലയിലെ തിരുവാലി പഞ്ചായത്ത് എന്നിവിടങ്ങളിലാണ് തിരഞ്ഞെടുപ്പ് നടക്കുന്നത്.

വിശാഖപട്ടണം: എറണാകുളം-ടാറ്റാ നഗര്‍ സൂപ്പര്‍ഫാസ്റ്റ് എക്‌സ്പ്രസില്‍ (ട്രെയിന്‍ നമ്പര്‍: 18189) തീപിടുത്തം. രണ്ട് എസി കോച്ചുകള്‍ പൂര്‍ണമായും കത്തി നശിച്ചിട്ടുണ്ട്. ഒരാള്‍ മരിച്ചെന്നാണ് പ്രാഥമിക റിപ്പോര്‍ട്ട്. എന്നാല്‍ ഇയാളുടെ വിശദാംശങ്ങള്‍ ഇതുവരെ ലഭ്യമായിട്ടില്ല. പുലര്‍ച്ചെയാണ് സംഭവം. ബി 1, എം 2 കോച്ചുകളാണ് കത്തിയത്. കോച്ചുകളില്‍ ഉണ്ടായിരുന്ന 158 യാത്രക്കാരെ രക്ഷപ്പെടുത്തിയിട്ടുണ്ട്. അനകാപള്ളി ജില്ലയിലെ യെലമഞ്ചലി സ്റ്റേഷന് സമീപമാണ്് തീപിടിത്തമുണ്ടായത്. വിശാഖപട്ടണത്ത് നിന്ന് 66 കിലോമീറ്റര്‍ അകലെയാണ് ഈ സ്റ്റേഷന്‍. …

പാലക്കാട്: പ്രൈമറി സ്‌കൂള്‍ മുതല്‍ ഹൈസ്‌കൂള്‍ വരെ അധ്യാപകരാകാനുള്ള യോഗ്യത പരീക്ഷ കെ-ടെറ്റിനുള്ള (കേരള ടീച്ചര്‍ എലിജിബിലിറ്റി ടെസ്റ്റ്) വിജ്ഞാപനം സര്‍ക്കാര്‍ പുറത്തിറക്കി. ഡിസംബര്‍ 30വരെയാണ് അപേക്ഷിക്കാനാവുക. https://ktet.kerala.gov.in വെബ്‌സൈറ്റ് വഴിയാണ് അപേക്ഷിക്കേണ്ടത്. കേരള സര്‍ക്കാര്‍ പൊതുവിദ്യാഭ്യാസവകുപ്പ് അംഗീകാരമുള്ള വിദ്യാലയങ്ങളില്‍ അധ്യാപകരാകാന്‍ കെ-ടെറ്റ് യോഗ്യത നേടണം. വിശദമായ മാര്‍ഗ നിര്‍ദേശങ്ങള്‍ എന്നിവ https://ktet.kerala.gov.in, https://pareekshabhavan.kerala.gov.in എന്നീ വെബ്സൈറ്റുകളില്‍ ലഭ്യമാണ്. ഹാള്‍ ടിക്കറ്റ് ഫെബ്രുവരി 11 ന് ഡൗണ്‍ലോഡ് ചെയ്യാം. കാറ്റഗറി …

തൃശൂര്‍: ചൊവ്വന്നൂര്‍ പഞ്ചായത്തില്‍ കോണ്‍ഗ്രസ് ഭരണം പിടിച്ചതിനു പിന്നാലെ നാടകീയ രംഗങ്ങള്‍ തുടരുന്നു. 2 എസ്ഡിപിഐ അംഗങ്ങളുടെ പിന്തുണയില്‍ പഞ്ചായത്ത് ഭരണം കോണ്‍ഗ്രസ് പിടിച്ചിരുന്നു. പിന്നാലെ പ്രസിഡന്റിനോടും വൈസ് പ്രസിഡന്റിനോടും രാജി വയ്ക്കാന്‍ ജില്ലാ നേതൃത്വവും സംസ്ഥാന നേതൃത്വവും ആവശ്യപ്പെട്ടിരുന്നു. എന്നാല്‍ രാജിവയ്ക്കാന്‍ ഇരുവരും തയ്യാറായില്ല. തുടര്‍ന്നാണ് പ്രസിഡന്റ് നിധീഷിനെയും വൈസ് പ്രസിഡന്റായ സബേറ്റ വര്‍ഗീസിനേയും കോണ്‍ഗ്രസ് പ്രാഥമിക അംഗത്വത്തില്‍ നിന്ന് പുറത്താക്കിയത്. ഡിസിസി അധ്യക്ഷന്‍ ജോസഫ് ടാജറ്റിന്റേതാണ് നടപടി. …