slider

കൊച്ചി: ജിദ്ദയില്‍ നിന്നും കരിപ്പൂരിലേക്ക് യാത്ര തിരിച്ച എയര്‍ ഇന്ത്യ എക്‌സ്പ്രസിന്റെ ലാന്‍ഡിങ് ഗിയറുകളില്‍ തകരാര്‍ കണ്ടെത്തിയതിനെ തുടര്‍ന്ന് കൊച്ചിയില്‍ അടിയന്തിര ലാന്‍ഡിങ്. നെടുമ്പാശ്ശേരി എയര്‍പോര്‍ട്ടില്‍ അടിയന്തിര ലാന്‍ഡിങ് നടത്തിയ വിമാനത്തിന്റെ ലാന്‍ഡിങ് ഗിയറുകള്‍ പൊട്ടി. തലനാരിഴയ്ക്കാണ് യാത്രക്കാര്‍ രക്ഷപ്പെട്ടത്. 160 യാത്രക്കാരാണ് വിമാനത്തിലുള്ളത്. യാത്രക്കാര്‍ സുരക്ഷിതരാണെന്ന് സിയാല്‍ അറിയിച്ചിട്ടുണ്ട്. ജിദ്ദയില്‍ നിന്ന് ഇന്ന് പുലര്‍ച്ചെ 1.15ന് കരിപ്പൂരിലേക്ക് പുറപ്പെട്ട വിമാനമായിരുന്നു ഇത്. യാത്രാമധ്യേ വിമാനത്തിന് സാങ്കേതിക തകരാര്‍ സംഭവിച്ചതിനെ …

പാലക്കാട്: സമഗ്ര വോട്ടര്‍ പട്ടിക പരിഷ്‌കരണത്തെ (എസ്‌ഐആര്‍) തുടര്‍ന്ന് പട്ടികയില്‍ നിന്ന് പുറത്താകുന്നത് 24.95 ലക്ഷം ആളുകള്‍. പുറത്താകുന്നവരുടെ പേരുകള്‍ തിരഞ്ഞെടുപ്പ് കമ്മീഷന്‍ പ്രസിദ്ധീകരിച്ചു. https://ceo.kerala.gov/asd-lits എന്ന ലിങ്കില്‍ ബൂത്ത് അടിസ്ഥാനത്തില്‍ പട്ടിക പരിശോധിക്കാം. ഫോം നല്‍കാത്തവര്‍ക്ക് ഇന്നുകൂടി സമര്‍പ്പിക്കാന്‍ അവസരമുണ്ട്. ഇതിനു ശേഷമാണ് അന്തിമ കരട് പട്ടിക പ്രസിദ്ധീകരിക്കുക. എസ്‌ഐആറില്‍ കൂടുതല്‍ സമയം വേണമെന്ന് പാര്‍ട്ടികള്‍ ആവശ്യപ്പെട്ടെങ്കിലും കമ്മീഷന്‍ സമയം നീട്ടി നല്‍കിയിട്ടില്ല. എസ്‌ഐആറില്‍ പേരുണ്ടോ എന്ന് എങ്ങനെ …

ഭോപ്പാല്‍: മധ്യപ്രദേശിലെ സര്‍ക്കാര്‍ ആശുപത്രിയില്‍ നിന്നും രക്തം സ്വീകരിച്ച കുട്ടികള്‍ക്ക് എച്ച്‌ഐവി സ്വിരീകരിച്ചു. സത്‌ന ജില്ലാ ആശുപത്രിയില്‍ ചികിത്സ തേടിയ 6 കുട്ടികള്‍ക്കാണ് രോഗബാധ. ജനിതക രോഗമായ തലാസീമിയ ബാധിച്ച കുട്ടികള്‍ ചികിത്സയ്ക്കിടെ രക്തം സ്വീകരിച്ചപ്പോഴാണ് അപകടത്തില്‍ പെടുന്നത്. നാല് മാസം മുന്‍പ് ഗുരുതര പിഴവ് ശ്രദ്ധയില്‍ പെട്ടെങ്കിലും അധികൃതര്‍ സംഭവം മൂടിവയ്ക്കുകയായിരുന്നു. കുട്ടികളുടെ മാതാപിതാക്കള്‍ പ്രതിഷേധം ശക്തമാക്കിയതോടെയാണ് സംഭവം പുറത്തറിയുന്നത്. എട്ടും പതിനാലും വയസ്സിന് ഇടയിലുള്ള കുട്ടികളാണ് ഇവരെല്ലാം. …

പാലക്കാട്: പാലക്കാട് നിന്നും അങ്കമാലിക്കൊരു നോണ്‍സ്‌റ്റോപ്പ് യാത്രയായാലോ? അതും കൂട്ടിന് പാട്ടും ടിവിയും എസിയും മ്യൂസിക്കുമെല്ലാമായി? ഇത്തരത്തില്‍ അത്യാധുനിക സൗകര്യമുള്ള എസി സൂപ്പര്‍ ഫാസ്റ്റ് ബസ്സുകള്‍ നിരത്തിലിറക്കിയിരിക്കയാണ് കെഎസ്ആര്‍ടിസി. പാലക്കാട് ഡിപ്പോയ്ക്കായി 3 ബസ്സുകളും അനുവദിച്ചിട്ടുണ്ട്. രണ്ടു ബസുകള്‍ എറണാകുളത്തേക്കും ഒരെണ്ണം കോഴിക്കോടേക്കും. പാലക്കാട് – എറണാകുളം ബസ് പാലക്കാട് വിട്ടാല്‍ പിന്നെ അങ്കമാലിയില്‍ മാത്രമേ സ്റ്റോപ്പുള്ളൂ. രണ്ടു ബസുകളും ബൈപ്പാസ് റൈഡാണ് നടത്തുന്നത്. സ്റ്റോപ്പുകളുടെ എണ്ണം കുറയുമെന്നതിനാല്‍ കാലതാമസമില്ലാതെ …

പാലക്കാട്: മഹാത്മാ ഗാന്ധി തൊഴിലുറപ്പ് പദ്ധതിക്ക് ബദലായി കേന്ദ്ര സര്‍ക്കാര്‍ പുതുതായി കൊണ്ടുവരുന്ന തൊഴിലുറപ്പ് പദ്ധതിയില്‍ ആശങ്ക. നിലവില്‍ പദ്ധതിയില്‍ അംഗങ്ങളായ സംസ്ഥാനത്തെ 22 ലക്ഷത്തോളം പേരില്‍ നല്ലൊരു ശതമാനം ആളുകളും പദ്ധതിയില്‍ നിന്നും പുറത്തു പോകുമെന്നാണ് റിപ്പോര്‍ട്ടുകള്‍. വര്‍ഷത്തില്‍ 100 ദിവസത്തിന് പകരം 125 ദിവസം തൊഴില്‍ നല്‍കുമെന്നാണ് കേന്ദ്രസര്‍ക്കാരിന്റെ അവകാശ വാദം. എന്നാല്‍ 100 ദിവസം പോലും തൊഴില്‍ ദിനങ്ങള്‍ ലഭിക്കുമോ എന്ന കാര്യത്തില്‍ സംശയമുയര്‍ന്നു കഴിഞ്ഞു. …

എരുമേലി: പമ്പയിലും പരിസര പ്രദേശങ്ങളിലും രാസ സിന്ദൂരം വില്‍ക്കരുതെന്ന ഹൈക്കോടതി വിധി കാറ്റില്‍ പറത്തി മായം കലര്‍ന്ന സിന്ദൂര വില്‍പ്പന തകൃതിയായി നടക്കുന്നു. 24 മണിക്കൂറും പ്രവര്‍ത്തിക്കുന്ന സിന്ദൂരക്കടകളില്‍ ചെറിയ പാക്കറ്റുകളിലാക്കിയാണ് രാസസിന്ദൂരങ്ങള്‍ വില്‍പ്പന നടത്തുന്നത്. ഡ്രഗ്‌സ് ആന്റ് കെമിസ്റ്റ് വിഭാഗത്തിന്റെ പരിശോധനയും ബോധവല്‍ക്കരണവും പ്രദേശത്ത് നടക്കുന്നുണ്ടെങ്കിലും വില്‍പ്പനയ്ക്ക് കുറവൊന്നുമില്ല. കഴിഞ്ഞ ദിവസം നടന്ന പരിശോധനയില്‍ 900ത്തില്‍ പരം സിന്ദൂര പായ്ക്കറ്റുകളാണ് പിടിച്ചെടുത്തത്. കോടതി ഉത്തരവ് വന്നതിന് ശേഷം കടകളുടെ …

പാലക്കാട്: സാധാരണക്കാര്‍ക്ക് ആശ്വാസമായി വെളിച്ചെണ്ണ വിലയില്‍ വന്‍ കുറവ്. ലിറ്ററിന് 360 രൂപയാണ് നിലവിലെ മാര്‍ക്കറ്റ് വില. കഴിഞ്ഞ ആഴ്ച 400 രൂപയിലാണ് വ്യാപാരം നടന്നത്. ഓണത്തോടനുബന്ധിച്ച് ലിറ്ററിന് 500 രൂപയുടെ മുകളിലെത്തിയിടത്തു നിന്നാണ് ഘട്ടംഘട്ടമായി വില കുറഞ്ഞത്. തമിഴ്‌നാട്, കര്‍ണാടക സംസ്ഥാനങ്ങളില്‍ നാളികേര ഉല്‍പാദനം വര്‍ദ്ധിച്ചതും കൊപ്ര ഇറക്കുമതി വര്‍ദ്ധിച്ചതുമാണ് വില പൊടുന്നനെ കുറയാന്‍ കാരണം. അടുത്ത ഏപ്രിലോടെ ലിറ്റര്‍ വില 160ല്‍ എത്തുമെന്നാണ് പ്രതീക്ഷിക്കുന്നത്.

കുഴല്‍മന്ദം: മാത്തൂര്‍ പഞ്ചായത്തില്‍ ആര് ഭരണത്തിലേറുമെന്ന കാര്യത്തില്‍ ആശങ്കയ്ക്ക് വിരാമമായില്ല. പഞ്ചായത്തില്‍ ആര്‍ക്കും ഭൂരിപക്ഷമില്ലാത്ത അവസ്ഥയാണ്. എല്‍ഡിഎഫും യുഡിഎഫും 8 വീതം സീറ്റുകളും എന്‍ഡിഎ 2 സീറ്റുമാണ് നേടിയത്. ബിജെപിയുടെ പിന്തുണ ലഭിച്ചാലേ ഏതെങ്കിലുമൊരു കക്ഷിക്ക് ഭരിക്കാന്‍ കഴിയൂ. അല്ലാത്ത പക്ഷം ടോസിലൂടെ അധ്യക്ഷനേയും ഉപാധ്യക്ഷനേയും സ്ഥിരംസമിതി അധ്യക്ഷരെയും തിരഞ്ഞെടുക്കുകയാണ് ചെയ്യുക. കഴിഞ്ഞ തവണ ഇതേ രീതിയില്‍ ഭരണം നടത്തിയ പഞ്ചായത്താണ് കുഴല്‍മന്ദം. 8 വീതം സീറ്റുകള്‍ യുഡിഎഫും എല്‍ഡിഎഫും …

തിരുവനന്തപുരം: തിരഞ്ഞെടുപ്പിലെ തോല്‍വിക്ക് പിന്നാലെ ആത്മഹത്യയ്ക്ക് ശ്രമിച്ച യുഡിഎഫ് സ്ഥാനാര്‍ത്ഥി മരിച്ചു. തിരുവനന്തപുരം ചെറിയകോണി സ്വദേശി വിജയകുമാരന്‍ നായരാണ് (59) മരിച്ചത്. അരുവിക്കര ഗ്രാമപഞ്ചായത്തിലെ മണമ്പൂര്‍ വാര്‍ഡില്‍ നിന്നും യുഡിഎഫ് സ്ഥാനാര്‍ത്ഥിയായാണ് മത്സരിച്ചത്. ഫലപ്രഖ്യാപനത്തിന് തൊട്ടുപിന്നാലെ തൂങ്ങി മരിക്കാന്‍ ശ്രമിക്കുകയായിരുന്നു. മരത്തില്‍ തൂങ്ങിമരിക്കാനുള്ള ശ്രമം മകന്‍ കാണുകയും പെട്ടെന്ന തന്നെ വിജയകുമാരനെ ആശുപത്രിയില്‍ എത്തിക്കുകയും ചെയ്തു. ചികിത്സയിലിരിക്കെ ഇന്ന് പുലര്‍ച്ചെയായിരുന്നു അന്ത്യം. വാര്‍ഡില്‍ ബിജെപി സ്ഥാനാര്‍ത്ഥിയാണ് വിജയിച്ചത്. വിജയകുമാരന്‍ നായര്‍ക്ക് …

കൊച്ചി: എല്‍ഡിഎഫ് സര്‍ക്കാരിന്റെ സ്വപ്‌ന പദ്ധതികളിലൊന്നായ വയനാട് തുരങ്കപാത നിര്‍മാണം തടയണമെന്നാവശ്യപ്പെട്ടുള്ള ഹരജി ഹൈക്കോടതി തള്ളി. പദ്ധതി നിര്‍ത്തിവയ്ക്കാന്‍ ഉത്തരവിടണമെന്നാവശ്യപ്പെട്ട് വയനാട് പ്രകൃതി സംരക്ഷണ സമിതിയാണ് കോടതിയെ സമീപിച്ചത്. പാരിസ്ഥിതിക പ്രശ്‌നങ്ങള്‍ ചൂണ്ടിക്കാട്ടിയാണ് പൊതുതാത്പര്യ ഹര്‍ജി നല്‍കിയത്. തുരങ്ക പാത നിര്‍മാണവുമായി ബന്ധപ്പെട്ടുള്ള നടപടിക്രമങ്ങളില്‍ വീഴ്ച പറ്റിയിട്ടില്ലെന്ന് ഹൈക്കോടതി ചൂണ്ടിക്കാട്ടി. എല്ലാ അനുമതികളും പൂര്‍ത്തിയാക്കിയാണ് നിര്‍മ്മാണം തുടങ്ങിയതെന്നും കോടതി നിരീക്ഷിച്ചു. 2025 ആഗസ്റ്റിലാണ് മുഖ്യമന്ത്രി തുരങ്കപാതയുടെ നിര്‍മാണ ഉദ്ഘാടനം നിര്‍വഹിക്കുന്നത്. …