slider

തിരുവനന്തപുരം: ഡ്രൈവിങ് ടെസ്റ്റ് പാസ്സായവരുടെ വൈദഗ്ധ്യം പരിശോധിക്കാന്‍ ആര്‍ടിഒമാര്‍ക്ക് മന്ത്രിയുടെ നിര്‍ദേശം. ലൈസന്‍സ് ലഭിച്ചവരേയും അടുത്ത ദിവസങ്ങളില്‍ വിളിച്ചു വരുത്തി വീണ്ടും വാഹനമോടിപ്പിച്ച് സൂപ്പര്‍ ചെക്കിങ് നടത്താനാണ് മന്ത്രിയുടെ നിര്‍ദേശം. മോട്ടോര്‍ വാഹന വകുപ്പിന്റെ റോഡ് സുരക്ഷാ മാസാചരണ വേദിയിലാണ് മന്ത്രി ഉദ്യോഗസ്ഥര്‍ക്ക് നിര്‍ദേശം നല്‍കിയത്. മലപ്പുറത്ത് അപകടങ്ങള്‍ കൂടാന്‍ കാരണം തട്ടിക്കൂട്ട് രീതിയല്‍ ലൈസന്‍സ് നല്‍കിയതാണെന്നും മന്ത്രി പരിപാടിക്കിടെ പറഞ്ഞിരുന്നു. ടെസ്റ്റില്‍ പരാജയപ്പെട്ടാല്‍ ലൈസന്‍സുള്ളവരെ പഠിപ്പിച്ച സ്ഥാപനങ്ങള്‍ക്കെതിരേയും നടപടിയുണ്ടാകും. …

പാലക്കാട്: മോട്ടോര്‍ വാഹന വകുപ്പിന്റെ പരിവാഹന്‍ ആപ്പിന്റെ പേരില്‍ സൈബര്‍ തട്ടിപ്പ് സംഘം കൊള്ളയടിക്കുന്നത് ലക്ഷങ്ങള്‍. നിയമലംഘനം നടത്തിയതായി കാണിച്ച് വാട്‌സ്ആപ് വഴി ചലാന്‍ അയച്ചാണ് തട്ടിപ്പ്. ലിങ്കില്‍ ക്ലിക്ക് ചെയ്യുന്നതോടെ അക്കൗണ്ടിലുള്ള മുഴുവന്‍ പണവും കള്ളന്മാരുടെ കൈകളിലേക്കെത്തും. ഇത്തരത്തില്‍ ഒരാഴ്ചക്കിടെ ആലപ്പുഴയില്‍ മാത്രം റിപ്പോര്‍ട്ട് ചെയ്തത് 7 കേസുകളാണ്. ചേര്‍ത്തല, പൂച്ചാക്കല്‍, ആലപ്പുഴ സൗത്ത്, കായംകുളം പോലീസ് സ്‌റ്റേഷന്‍ പരിധികളിലാണ് കേസുകള്‍ റിപ്പോര്‍ട്ട് ചെയ്തത്. നിങ്ങളുടെ വാഹനം നിയമം …

കൊച്ചി: എന്‍ഡിഎ പ്രവേശനത്തിന് പിന്നാലെ ട്വന്റി ട്വന്റിയില്‍ പൊട്ടിത്തെറി. നേതൃത്വത്തിന്റേത് ഏകപക്ഷീയമായ തീരുമാനമാണെന്ന് ചൂണ്ടിക്കാട്ടി ഒരു വിഭാഗം നേതാക്കള്‍ കോണ്‍ഗ്രസില്‍ ചേര്‍ന്നു. പാര്‍ട്ടിയുടെ ഭാരവാഹികളും ജനപ്രതിനിധികളും കൂട്ടത്തിലുണ്ട്. പാര്‍ട്ടി ജനങ്ങളെ വഞ്ചിച്ചെന്നും ബിജെപിയുടെ റിക്രൂട്ടിങ് ഏജന്‍സിയായി മാറിയെന്നും പുറത്തു പോയ റസീന പരീത് ഉള്‍പ്പെടെയുള്ളവര്‍ ആരോപിച്ചിട്ടുണ്ട്. പാര്‍ട്ടിയുടെ എന്‍ഡിഎ പ്രവേശനം സംബന്ധിച്ച് പാര്‍ലമെന്ററി ബോര്‍ഡ് അംഗങ്ങളോ വാര്‍ഡ് കമ്മിറ്റികളോ ജനപ്രതിനിധികളോ അറിഞ്ഞിട്ടില്ലെന്ന് പുറത്തുപോയ നേതാക്കള്‍ വെളിപ്പെടുത്തി. മാധ്യമങ്ങളിലൂടെയാണ് ലയനം അറിഞ്ഞതെന്നും …

കൊച്ചി: സംസ്ഥാനത്തെ സ്വർണ്ണവില എല്ലാ പ്രവചനങ്ങളെയും കാറ്റിൽപ്പറത്തി  കുതിപ്പ് തുടരുന്നു. ഇന്ന് മാത്രം ഒറ്റയടിക്ക് 3680 രൂപ.വർദ്ധിച്ച് പവന് 1,17,120 രൂപയിലെത്തി. ഒരു ഗ്രാമിന് 14,640 രൂപയിലെത്തി. കഴിഞ്ഞ അഞ്ച് ദിവസത്തിനിടെ 7280 രൂപയുടെ വർദ്ധനവാണ് സ്വർണവിപണിയിലുണ്ടായത്. സ്വർണ്ണത്തിൻ്റെ അസാധാരണമായ ഈ വർദ്ധനവ് സാധാരണക്കാരെയും വിവാഹ ആവശ്യങ്ങൾക്കായി സ്വർണ്ണം വാങ്ങാനിരിക്കുന്നവരെയും വലിയ പ്രതിസന്ധിയിലാക്കിയിരിക്കുകയാണ്. വിപണിയിലെ വമ്പൻ ഉയർച്ചക്കിടയിലും ഇന്നലെ 1680 രൂപയുടെ ഇടിവ് രേഖപ്പെടുത്തിയ സ്വർണം ഇന്ന് ചരിത്രത്തിലെ ഏറ്റവും ഉയർന്ന …

തിരുവനന്തപുരം: പ്രധാനമന്ത്രി നരേന്ദ്ര മോദി ഇന്ന് തിരുവനന്തപുരത്തെത്തും. വിമാനത്താവളത്തിൽ നിന്ന് പുത്തരിക്കണ്ടം മൈതാനത്തേക്ക് റോഡ് ഷോ നടക്കും. പുത്തരിക്കണ്ടത്ത് നടക്കുന്ന പരിപാടിയിൽ വിവിധ കേന്ദ്ര പദ്ധതികളുടെ ഉദ്ഘാടനവും തിരുവനന്തപുരം നഗരത്തിന്റെ വികസന രേഖയും പ്രഖ്യാപിക്കും. അതിവേഗ റെയിൽപാതയുടെ പ്രഖ്യാപനവും ഇവിടെ നടന്നേക്കും. അമൃത് ഭാരത് ട്രെയിനുകളുടെ ഫ്ലാഗ് ഓഫും ഇന്നവേഷൻ ടെക്നോളജി ആൻഡ് ഓൻട്രണർഷിപ്പ് ഹബ്ബിൻ്റെ തറക്കല്ലിടിലും പ്രധാനമന്ത്രി നിർവഹിക്കും. 25,000ത്തിലധികം പ്രവർത്തകരെ പങ്കെടുപ്പിച്ചുള്ള പൊതുസമ്മേളനമാണ് ബിജെപി സംഘടിപ്പിക്കുന്നത്. കോർപ്പറേഷനിൽ അധികാരത്തിലേറിയാൽ …

ചെന്നൈ: തീവണ്ടികളില്‍ യാത്രക്കാരെ ശല്യപ്പെടുത്തുന്നവര്‍ക്കെതിരെ ശക്തമായ നടപടിയെന്ന് ഇന്ത്യന്‍ റെയില്‍വേ. യാത്രക്കാര്‍ക്ക് 139 എന്ന ടോള്‍ഫ്രീ നമ്പറില്‍ വിളിച്്ച പരാതികള്‍ അറിയിക്കാമെന്നും കുറ്റക്കാര്‍ക്കെതിരെ പിഴയീടാക്കുമെന്നും ചെന്നൈ റെയില്‍വേ ഡിവിഷന്‍ അധികൃതര്‍ അറിയിച്ചു. 2025 ഏപ്രില്‍ മുതല്‍ ഡിസംബര്‍ വരെയുള്ള കാലയളവില്‍ ഇത്തരത്തില്‍ യാത്രക്കാരെ ശല്യപ്പെടുത്തിയ 1784 ട്രാന്‍സ്‌ജെന്‍ഡര്‍മാരില്‍ നിന്ന് 82,100 രൂപ പിഴയീടാക്കിയിട്ടുണ്ട്. സ്ത്രീകളുടെ കോച്ചില്‍ യാത്ര ചെയ്ത 868 പുരുഷന്മാരില്‍ നിന്നായി 2.80 ലക്ഷം രൂപയും ഈടാക്കി. റെയില്‍വേ …

ന്യൂഡല്‍ഹി: ട്രാഫിക് നിയമലംഘനങ്ങള്‍ ആവര്‍ത്തിക്കുന്നവരെ പൂട്ടാന്‍ കര്‍ശന നടപടിയുമായി കേന്ദ്രസര്‍ക്കാര്‍. വര്‍ഷത്തില്‍ 5ഓ അതില്‍ കൂടുതലോ ട്രാഫിക് നിയമലംഘനങ്ങള്‍ നടത്തിയാല്‍ ഡ്രൈവിംങ് ലൈസന്‍സ് സസ്‌പെന്‍ഡ് ചെയ്യാനുള്ള അധികാരമുണ്ടെന്നാണ് മോട്ടോര്‍ വാഹന നിയമ ഭേദഗതിയില്‍ പറയുന്നത്. ഭേദഗതികള്‍ ജനുവരി 1 മുതല്‍ പ്രാബല്യത്തിലായിട്ടുണ്ട്. ഒരു വര്‍ഷത്തിനുള്ളില്‍ നടന്ന ട്രാഫിക് കുറ്റകൃത്യങ്ങളാണ് ഇതില്‍ പരിഗണിക്കുക. മുന്‍വര്‍ഷങ്ങളിലെ കുറ്റകൃത്യങ്ങള്‍ ഇതില്‍ ഉള്‍പ്പെടില്ല. മോട്ടോര്‍ വാഹന നിയമത്തിലെ 24 നിയമ ലംഘനങ്ങളില്‍ അഞ്ചോ അതിലധികമോ ഒരു …

കൊച്ചി: നിയമസഭ തിരഞ്ഞെടുപ്പിന് മുന്‍പ് സുപ്രധാന ചുവടുവയ്പ്പുമായി ബിജെപി. എറണാകുളം കിഴക്കമ്പലം ആസ്ഥാനമായുള്ള ട്വന്റി-ട്വന്റി പാര്‍ട്ടി എന്‍ഡിഎയില്‍ ലയിക്കുമെന്ന സൂചനകളാണ് പുറത്തു വരുന്നത്. ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറും ട്വന്റി-ട്വന്റി അധ്യക്ഷന്‍ സാബു എം ജേക്കബും കൊച്ചിയില്‍ വച്ച് നടത്തിയ കൂടിക്കാഴ്ചയില്‍ പാര്‍ട്ടി എന്‍ഡിഎയുടെ ഭാഗമാകാന്‍ ധാരണയിലെത്തിയെന്നാണ് റിപ്പോര്‍ട്ടുകള്‍. ഇതോടെ എറണാകുളത്ത് വലിയ മുന്നേറ്റമുണ്ടാക്കാന്‍ സാധിക്കുമെന്നാണ് ബിജെപിയുടെ കണക്ക് കൂട്ടല്‍.

കണ്ണൂർ: കണ്ണൂർ തയ്യിൽ ഒന്നരവയസുകാരനെ കടൽഭിത്തിയിൽ എറിഞ്ഞു കൊന്ന കേസിലെ പ്രതി ശരണ്യയ്ക്ക് ജീവപര്യന്തം തടവ്. ആൺസുഹൃത്തിനൊപ്പം ജീവിക്കാൻ വേണ്ടിയാണ് ഒന്നരവയസുകാരൻ വിയാനെ അമ്മ ശരണ്യ കൊലപ്പെടുത്തിയതെന്ന് അന്വേഷണത്തിൽ കണ്ടെത്തിയിരുന്നു. കുറ്റക്കാരിയാണെന്ന് കഴിഞ്ഞ ദിവസം കോടതി വിധിച്ചിരുന്നു. തടവിന് പുറമേ ഒരുലക്ഷം രൂപ പിഴയും ചുമത്തിയിട്ടുണ്ട്. തളിപ്പറമ്പ് അഡീഷണൽ സെഷൻസ് കോടതിയാണ് വിധി പറഞ്ഞത്. ഏറ്റവും ചെറിയ ശവപ്പെട്ടികള്‍ക്കാണ് ഭാരം കൂടുതലെന്ന പരാമർശത്തോടെയാണ് കോടതി വിധി പ്രസ്താവിച്ചത്. ഒരമ്മയുടെ ഭാഗത്തുനിന്ന് …

പാലക്കാട്: ഹോസ്റ്റൽ മുറിയിൽ വിദ്യാർഥിനി ജീവനൊടുക്കിയ നിലയിൽ. കല്ലേക്കാട് വാസ്യ വിദ്യാപീഠ സ്കൂളിലെ പ്ലസ് വൺ വിദ്യാർഥിനി രുദ്ര രാജേഷാണ് മരിച്ചത്. ഇന്നലെ രാത്രി ഒമ്പതോടെയാണ് വിദ്യാർത്ഥിനിയെ തൂങ്ങിമരിച്ച നിലയിൽ കണ്ടെത്തിയത്. ഹോസ്റ്റലിലെ മറ്റുകുട്ടികളാണ് ആദ്യം മൃതദേഹം കണ്ടത്. ഒറ്റപ്പാലം വരോട് സ്വദേശി രാജേഷിന്റെ മകളാണ്. സീനിയർ വിദ്യാർത്ഥികളുടെ റാഗിങ്ങിനെ തുടർന്നാണ് മകൾ ജീവനൊടുക്കിയത് എന്ന് പിതാവ് ആരോപിച്ചിട്ടുണ്ട്. മരണത്തിൽ പാലക്കാട് നോർത്ത് പോലീസ് അന്വേഷണം ആരംഭിച്ചു. സീനിയർ വിദ്യാർത്ഥികൾ …