Travel

പാലക്കാട്: പാലക്കാട്- ഗൂഡല്ലൂര്‍ റൂട്ടില്‍ കെ.എസ്.ആര്‍.ടി.സിയുടെ സര്‍വ്വീസിന് തുടക്കമായി. യാത്രക്കാരുടെ ഏറെ നാളത്തെ ആവശ്യമാണ് ഇപ്പോള്‍ യാഥാര്‍ത്ഥ്യമായിരിക്കുന്നത്. ആദ്യ സര്‍വ്വീസിന്റെ ഫ്‌ലാഗ് ഓഫ് കര്‍മ്മം പാലക്കാട് എംഎല്‍എ രാഹുല്‍ മാങ്കൂട്ടത്തില്‍ ചൊവ്വാഴ്ച നിര്‍വ്വഹിച്ചു. മണ്ണാര്‍ക്കാട്-വഴിക്കടവ്-നിലമ്പൂര്‍ വഴിയാണ് സര്‍വ്വീസ്. ദിവസവും രാവിലെ 7.45ന് പാലക്കാട് ഡിപ്പോയില്‍ നിന്നും പുറപ്പെട്ട് 12.20ന് ഗൂഡല്ലൂരിലെത്തും. ഉച്ചയ്ക്ക് 1.30ന് ഗൂഡല്ലൂരില്‍ നിന്നും പുറപ്പെട്ട് വൈകീട്ട് 6.05ന് പാലക്കാട് തിരിച്ചെത്തുന്ന രീതിയിലാണ് സര്‍വ്വീസ് ക്രമീകരിച്ചിരിക്കുന്നത്. യാത്രക്കാരുടെ നിരന്തര …

പാലക്കാട്: സഞ്ചാരികളുടെ പ്രിയപ്പെട്ട ഇടമായ വാല്‍പാറയില്‍ പ്രവേശിക്കാന്‍ ഇനി മുതല്‍ പാസ് നിര്‍ബന്ധം. www.trenpass.tn.gov.in/home എന്ന വെബ്‌സൈറ്റ് വഴി രജിസ്റ്റര്‍ ചെയ്ത് പാസ് നേടാന്‍ സാധിക്കും. ഇതിന് പുറമെ കേരളത്തില്‍ നിന്നും മലക്കപ്പാറ വഴി വാല്‍പാറയിലേക്ക് വരുന്നവര്‍ക്ക് കോയമ്പത്തൂര്‍ ജില്ല അതിര്‍ത്തിയായ ഷോളയാര്‍ അണക്കെട്ടിന്റെ ഇടതുകരയിലെ ചെക്‌പോസ്റ്റില്‍ രജിസ്റ്റര്‍ ചെയ്ത് പാസ് ലഭിക്കും. പൊള്ളാച്ചി വഴി പോകുന്നവര്‍ക്ക് ആളിയാര്‍ ചെക്‌പോസ്റ്റിലും രജിസ്റ്റര്‍ ചെയ്യാന്‍ സൗകര്യമുണ്ട്. ഹൈക്കോടതിയുടെ നിര്‍ദേശപ്രകാരമാണ് വാല്‍പാറയിലേക്കും വ്യാപിപ്പിച്ചത്. …

ഓടുന്ന ട്രെയിനില്‍ നിന്ന് മൊബൈല്‍ ഫോണ്‍ പുറത്തേക്ക് വീണു എന്നതിന്റെ പേരില്‍ അപായച്ചങ്ങല വലിക്കരുതെന്ന മുന്നറിയിപ്പുമായി റെയില്‍വേ സംരക്ഷണ സേന (ആര്‍.പി.എഫ്). ഇത്തരം കേസുകള്‍ ആവര്‍ത്തിച്ച് റിപ്പോര്‍ട്ട് ചെയ്തതിന്റെ പശ്ചാത്തലത്തിലാണ് റെയില്‍വേയുടെ മുന്നറിയിപ്പ്. അനാവശ്യമായി ഇത്തരത്തില്‍ ചങ്ങല വലിച്ച് ട്രെയിന്‍ നിര്‍ത്തുന്നത് ശ്രദ്ധയില്‍ പെട്ടാല്‍ 1000 രൂപ പിഴയോ ഒരുവര്‍ഷം വരെ തടവോ അല്ലെങ്കില്‍ രണ്ടുംകൂടിയ ശിക്ഷയോ ലഭിക്കാന്‍ സാധ്യതയുണ്ട്. മൊബൈല്‍ ഫോണ്‍ പുറത്ത് വീഴുകയാണെങ്കില്‍ വീണസ്ഥലം കൃത്യമായി നോട്ട് …

പാലക്കാട്: നവംബറില്‍ പാലക്കാട് ഡിപ്പോയില്‍ നിന്ന് കൂടുതല്‍ ഉല്ലാസ യാത്രകള്‍ സംഘടിപ്പിക്കാനൊരുങ്ങി കെഎസ്ആര്‍ടിസി ബഡ്ജറ്റ് ടൂറിസം സെല്‍. നവംബര്‍ 1ന് ഗവി യാത്രയോടെയാണ് ഉല്ലാസ യാത്രകള്‍ക്ക് തുടക്കമാകുക. 1, 9, 15, 22 തീയതികളില്‍ രാത്രി 10 മണിയ്ക്ക് ആരംഭിക്കുന്ന രീതിയില്‍ ഗവി യാത്രകള്‍ സംഘടിപ്പിക്കും. ഒരു പകലും രണ്ട് രാത്രികളും നീണ്ടുനില്‍ക്കുന്ന ട്രിപ്പിന് ഒരാള്‍ക്ക് 2,800 രൂപയാണ് ഈടാക്കുന്നത്. നവംബര്‍ 2, 8, 9, 16, 22, 23, …

പാലക്കാട് :പുഴയോര റോഡിൻ്റെ ഭാഗമായി ഇരിപ്പിടങ്ങളും തെരുവുവിളക്കുകളും ഭാരതപ്പുഴയിലേക്ക് ഇറങ്ങാനുള്ള റാംപുകളും ബോട്ട് സര്‍വീസ് പോയിൻ്റുകളും ഒരുക്കും. നിളയുടെ അതിമനോഹര കാഴ്ചകള്‍ കണ്ടു നടക്കാന്‍ കര്‍മ റോഡ് മാതൃകയില്‍ കുറ്റിപ്പുറത്ത് നിളയോരപാത ഒരുങ്ങുന്നു. ഇരിപ്പിടങ്ങളും തെരുവുവിളക്കുകളും ഭാരതപ്പുഴയിലേക്ക് ഇറങ്ങാനുള്ള റാംപുകളും ബോട്ട് സര്‍വീസ് പോയിൻ്റുകളും അടക്കമാണ് നിളയോരപാത വിഭാവനം ചെയ്യുന്നത്.

ന്യൂഡൽഹി: ദീപാവലി ഉൾപ്പെടെയുള്ള ഉത്സവങ്ങൾ പടി വാതിൽക്കൽ എത്തി നിൽക്കേ തിരക്ക് നിയന്ത്രിക്കാനുള്ള നടപടികളുമായി റെയിൽവേ. 15 റെയിൽവേ സ്റ്റേഷനുകളിൽ പ്ലാറ്റ്‌ഫോം ടിക്കറ്റ് വിൽപ്പന ഇന്ത്യൻ റെയിൽവേ താൽക്കാലികമായി നിർത്തിവെച്ചു. ദീപാവലി, ഛത് പൂജ ഉത്സവത്തോടനുബന്ധിച്ച് യാത്രക്കാരുടെ തിത്ത് ഗണ്യമായി വർദ്ധിക്കാനുള്ള സാധ്യത മുന്നിൽക്കണ്ടാണ്  നടപടി. തിരക്കേറിയ സ്റ്റേഷനുകളിൽ യാത്രക്കാരുടെ സുഗമമായ സഞ്ചാരവും സുരക്ഷിതമായ യാത്രയും ഉറപ്പാക്കുകയാണ് റെയിൽവേ ലക്ഷ്യമിടുന്നത്. ഒക്ടോബർ 28 വരെ നിയന്ത്രണം തുടരും. റെയിൽവേ ബോർഡ് …

സഞ്ചാരികള്‍ക്ക് ടൂറിസം പാക്കേജുമായി ഇന്ത്യന്‍ ആര്‍മിയും. ടെന്റുകളില്‍ ഹോംസ്‌റ്റേ ഒരുക്കുന്ന പദ്ധതി ഉത്തരാഖണ്ഡിലെ ഗാര്‍ബ്യാങ് ഗ്രാമത്തിലാണ് തുടങ്ങിയത്. കേന്ദ്രസര്‍ക്കാരിന്റെ വൈബ്രന്റ് വില്ലേജസ് പ്രോഗ്രാമുമായി ബന്ധിപ്പിച്ചാണ് പദ്ധതി നടപ്പാക്കുന്നത്. വിനോദ സഞ്ചാരികള്‍ക്ക് പ്രദേശത്തിന്റെ സംസ്‌കാരവും പ്രകൃതി സൗന്ദര്യവും അനുഭവിക്കാന്‍ അവസരം ലഭിക്കുന്നതിനോടൊപ്പം പ്രാദേശിക ജനവിഭാഗങ്ങളുടെ ഉപജീവന മാര്‍ഗ്ഗങ്ങള്‍ വികസിപ്പിക്കുക എന്ന ലക്ഷ്യമാണ് പദ്ധതിയുടെ പിന്നിലെന്നാണ് അധികൃതര്‍ പറയുന്നത്. ഓപ്പറേഷന്‍ സദ്ഭാവനയുടെ ഭാഗമായി വികസിപ്പിച്ച ടെന്റ് അധിഷ്ഠിത ഹോംസ്റ്റേ നടപ്പിലാക്കുന്നത് പ്രദേശവാസികള്‍ തന്നെയാണ്. …

പാലക്കാട്: കെഎസ്ആര്‍ടിസിയുടെ ജനപ്രിയ പാക്കേജായ ബജറ്റ് ടൂറിസം പദ്ധതിയില്‍ മണ്ണാര്‍ക്കാട് ഡിപ്പോയ്ക്ക് തിളക്കമാര്‍ന്ന നേട്ടം. മികച്ച പ്രവര്‍ത്തനത്തിന് മണ്ണാര്‍ക്കാട് ടൂറിസം സെല്ലിന് സംസ്ഥാന തലത്തില്‍ മൂന്നാംസ്ഥാനം ലഭിച്ചു. 98 ഡിപ്പോകളില്‍ നിന്നാണ് വിജയികളെ കണ്ടെത്തിയത്. സെപ്തംബറില്‍ എട്ടു യാത്രകള്‍ ഡിപ്പോയില്‍ നിന്നും സംഘടിപ്പിച്ചു. ഇതിന് പുറമേ ചാര്‍ട്ടേഡ് യാത്രകളും സംഘടിപ്പിച്ചിരുന്നു. കെ.ഷറഫുദ്ദീന്‍ ആണ് ബജറ്റ് ടൂറിസം സെല്ലിന്റെ കോര്‍ഡിനേറ്റര്‍.

മണ്ണാർക്കാട്: കാഞ്ഞിരപ്പുഴ ജലസേചനപദ്ധതിയുടെ ഭാഗമായുള്ള ഇരുമ്പകച്ചോല വിനോദസഞ്ചാരികൾക്ക് കാറ്റും , കാഴ്ചകളുമായി കാത്തിരിക്കുന്നു. കാഞ്ഞിരപ്പുഴഡാമിന്‍റെ ഇടതുവശത്തായി കൊർണക്കുന്നുനിന്നും റിസർവോയറിലേക്കുള്ള കാഴ്ചയാണ് ഏറെ ആനന്ദകരം. കാഞ്ഞിരപ്പുഴ ഡാം, പ്രദേശത്തെ പുൽമേടുകൾ, പാലക്കയം മലനിരകൾ, വാക്കോടൻമല, നീലാകാശം എന്നിവയെല്ലാം ഒത്തുചേരുന്നതാണ് മനോഹര ദൃശ്യങ്ങൾ. കാഞ്ഞിരപ്പുഴഡാം സന്ദർശിക്കാനെത്തുന്ന മിക്ക വിനോദസഞ്ചാരികളും ഇവിടെയെത്താറുണ്ട്. തണുത്ത കാറ്റും ഡാമിൽനിന്നുള്ള കാറ്റുംമൂലമുണ്ടാകുന്ന തിരയിളക്കവും കാഴ്ചക്കാർക്ക് ഏറെ ആസ്വാദ്യകരമാണ്. പെരിന്തൽമണ്ണ, മലപ്പുറം, പാലക്കാട്, ഒറ്റപ്പാലം, നിലമ്പൂർ എന്നിവിടങ്ങളിൽനിന്നുള്ള വിനോദസഞ്ചാരികളാണ് പതിവായി ഇവിടേയ്ക്കെത്തുന്നത്. …

പാലക്കാട്: ഒക്ടോബറിലെ വിനോദയാത്രകള്‍ക്ക് കെ.എസ്.ആര്‍.ടി.സിയുടെ ബഡ്ജറ്റ് ടൂറുകള്‍. പാലക്കാട്, ചിറ്റൂര്‍, മണ്ണാര്‍ക്കാട് ഡിപ്പോകളില്‍ നിന്ന് ഒക്ടോബര്‍ ഒന്നു മുതല്‍ 29 വരെയാണ് യാത്രകള്‍. പാലക്കാട് ഡിപ്പോയില്‍ നിന്ന് നെല്ലിയാമ്പതിയിലേക്ക് 1, 2, 3, 4, 5, 11, 12, 18, 19, 20, 26 ദിവസങ്ങളിലും മലക്കപ്പാറയിലേക്ക് 4, 19, 26 ദിവസങ്ങളിലും ഇല്ലിക്കല്‍കല്ലിലേക്ക് 2, 11, 20 ദിവസങ്ങളിലും സൈലന്റ് വാലിയിലേക്ക് 5, 18 ദിവസങ്ങളിലുമാണ് യാത്ര. രണ്ടുദിവസം …