Prathinidhi Online
Related Articles
പാലക്കാട്: തദ്ദേശഭരണ തിരഞ്ഞെടുപ്പുമായി ബന്ധപ്പെട്ട് ചിലവുകള് നിരീക്ഷിക്കുന്നതിനായി സംസ്ഥാന തിരഞ്ഞെടുപ്പ് കമ്മീഷന് നിരീക്ഷകരെ നിയമിച്ചു. ഡെപ്യൂട്ടി സെക്രട്ടറി റാങ്കില് കുറയാത്ത ഉദ്യോഗസ്ഥരെയാണ് നിരീക്ഷകരായി നിയമിച്ചിട്ടുള്ളത്. നവംബര് 25 മുതല് അതത് ജില്ലയിലെ വോട്ടെടുപ്പ് അവസാനിക്കുന്നത് വരെയാണ് ഡ്യൂട്ടി. ബ്ലോക്ക് പഞ്ചായത്ത്/ നഗരസഭാ അടിസ്ഥാനത്തിലാണ് ചിലവ് നിരീക്ഷകരെ നിയമിച്ചിട്ടുള്ളത്. ജില്ലാ അടിസ്ഥാനത്തില് പൊതു നിരീക്ഷകനെയും നിയമിച്ചിട്ടുണ്ട്.
ഐ.എഫ്.എസ് ഉദ്യോഗസ്ഥനായ നരേന്ദ്രനാഥ് വേളൂരിയാണ് പാലക്കാട് ജില്ലയുടെ ചുമതലയുള്ള പൊതു നീരീക്ഷകന്. സന്തോഷ് ബി (തൃത്താല , പട്ടാമ്പി ബ്ലോക്ക് പഞ്ചായത്തുകള്, പട്ടാമ്പി മുനിസിപ്പാലിറ്റി , ഷൊര്ണ്ണൂര് മുനിസിപ്പാലിറ്റി), ജയരാജന് കെ ( ചെര്പ്പുളശ്ശേരി മുനിസിപ്പാലിറ്റി , ഒറ്റപ്പാലം മുനിസിപ്പാലിറ്റി , ഒറ്റപ്പാലം, ശ്രീകൃഷ്ണപുരം ബ്ലോക്ക് പഞ്ചായത്തുകള്), ഹരി കെ പി (മണ്ണാര്ക്കാട് , അട്ടപ്പാടി ബ്ലോക്ക് പഞ്ചായത്തുകള്, മണ്ണാര്ക്കാട് മുനിസിപ്പാലിറ്റി) , ശ്രീഹരി മിത്രന് (പാലക്കാട് , മലമ്പുഴ ബ്ലോക്ക് പഞ്ചായത്തുകള് , പാലക്കാട് മുനിസിപ്പാലിറ്റി), സജി കുമാര് ജി (ചിറ്റൂര്-തത്തമംഗലം മുനിസിപ്പാലിറ്റി , ചിറ്റൂര് , കൊല്ലങ്കോട് ബ്ലോക്ക് പഞ്ചായത്തുകള്), ഷോബി വി.പി (കുഴല്മന്ദം, നെന്മാറ, ആലത്തൂര് ബ്ലോക്ക് പഞ്ചായത്തുകള്) എന്നിവരാണ് ജില്ലയില് നിയമിതരായിട്ടുള്ള ചിലവ് നിരീക്ഷകര്. സംസ്ഥാന തിരഞ്ഞെടുപ്പ് കമ്മീഷന്റെ ഔദ്യോഗിക വെബ്സൈറ്റായ www.sec.kerala.gov.in ലും വിവരങ്ങള് പ്രസിദ്ധീകരിച്ചിട്ടുണ്ട്.
