Prathinidhi Online
Related Articles
പാലക്കാട്: കിടക്കയില് മൂത്രമൊഴിച്ചെന്ന കാരണത്താല് 5 വയസ്സുകാരിയോട് രണ്ടാനമ്മയുടെ ക്രൂരത. കുട്ടിയെ ക്രൂരമായി മര്ദ്ദിക്കുകയും ചട്ടുകം ചൂടാക്കി പൊള്ളലേല്പ്പിക്കുകയും ചെയ്ത കേസില് രണ്ടാനമ്മയെ പോലീസ് അറസ്റ്റ് ചെയ്തു. കഞ്ചിക്കോട് കിഴക്കേമുറിയില് താമസിക്കുന്ന ബീഹാര് സ്വദേശികളായ ദമ്പതികളുടെ കുട്ടിയാണ് ക്രൂരമായി ആക്രമിക്കപ്പെട്ടത്. കേസില് കുട്ടിയുടെ രണ്ടാനമ്മ നൂര് നാസറിനെ വാളയാര് പോലീസ് അറസ്റ്റ് ചെയ്തു. കുട്ടിക്ക് നേരെ മുമ്പും ക്രൂരമായ ആക്രമണം നടന്നതായും രണ്ടാനമ്മയ്ക്കെതിരെ ഗുരുതര വകുപ്പുകള് ചുമത്തുമെന്നും പോലീസ് പറഞ്ഞു. കുട്ടിയുടെ അച്ഛന്റെ മൊഴി പൊലീസ് രേഖപ്പെടുത്തി. ആക്രമണം കുട്ടിയുടെ അച്ഛന് അറിഞ്ഞിട്ടില്ലെന്നും പൊലീസ് അറിയിച്ചു.
കിടക്കയില് മൂത്രമൊഴിച്ചു എന്ന് ആരോപിച്ച് കുട്ടിയുടെ സ്വകാര്യ ഭാഗത്ത് ചട്ടകം ചൂടാക്കി പൊള്ളലേല്പ്പിച്ചെന്നാണ് പരാതി. ഇക്കഴിഞ്ഞ രണ്ടിനായിരുന്നു സംഭവം. അങ്കണവാടിയില് പഠിക്കുന്ന കുട്ടിയുടെ അധ്യാപകരാണ് മുറിവുകള് ആദ്യം ശ്രദ്ധിക്കുന്നത്. ശരീരത്തില് മുറിവുകളും പൊള്ളിയ പാടുകളും കണ്ട ടീച്ചറും സഹായിയും ചേര്ന്ന് വിവരം അധികൃതരെ അറിയിക്കുകയായിരുന്നു. അറസ്റ്റു ചെയ്ത പ്രതിയെ കോടതി റിമാന്ഡ് ചെയ്തു.
