Prathinidhi Online
Related Articles
തിരുവനന്തപുരം: ദൈവത്തിൻ്റെ പേരിൽ കോർപറേഷൻ കൗൺസിൽ അംഗമായി സത്യപ്രതിജ്ഞ ചെയ്ത ബി ജെ പി കൗൺസിൽ അംഗത്തിന് ഹൈക്കോടതി നോട്ടീസ്. കൗൺസിലർമാരുടെ നടപടി മുന്സിപ്പൽ ചടങ്ങൾക്ക് വിരുദ്ധമാണെന്നും സത്യപ്രതിജ്ഞ റദ്ദാക്കണമെന്നും ആവശ്യപെ പട്ട് സിപിഎം നേതാവും കൗൺസിലറുമായ എസ് പി ദീപക്ക് നൽകിയ ഹർജിയിലാണ് കോടതി ഇടപെടൽ. പല ദൈവങ്ങളുടെ പേരിലും ബലിദാനികളുടെ പേരിലും ചെയ്ത സത്യപ്രതിജ്ഞ അസാധുവാക്കണമെന്നാണ് ഹരജിയിൽ. കോർപ്പറേഷൻ നിയമസഭകക്ഷി നേതാവാണ് ഹര്ജിക്കാരൻ.
തിരുവനന്തപുരം കോർപ്പറേഷനിൽ കടകംപള്ളി വാർഡിൽ വിജയിച്ച ബിജെപി സ്ഥാനാർത്ഥി ജയ രാജീവ് അയ്യപ്പന്റെ നാമത്തിലായിരുന്നു സത്യപ്രതിജ്ഞ ചെയ്തത്. ശരണം വിളിച്ചാണ് ഇവർ സത്യപ്രതിജ്ഞ അവസാനിപ്പിച്ചിരുന്നത്. തിരുവനന്തപുരം കോർപറേഷനിലെ കരമന വാർഡിൽ നിന്ന് വിജയിച്ച ബിജെപി സ്ഥാനാർത്ഥി കരമന അജിത് സംസ്കൃതത്തിലാണ് സത്യപ്രതിജ്ഞ ചെയ്തത്. സത്യപ്രതിജ്ഞയ്ക്ക് ശേഷം വന്ദേമാതരം പറഞ്ഞാണ് മുൻ ഡിജിപിയും ശാസ്തമംഗലത്തിൽ നിന്നുള്ള കൗൺസിലറുമായ ആർ ശ്രീലേഖ വേദി വിട്ടത്. ഇതും ഏറെ ശ്രദ്ധനേടിയിരുന്നു. സത്യപ്രതിജ്ഞയ്ക്ക് പിന്നാലെ ബിജെപി പ്രവർത്തകർ കോർപ്പറേഷൻ കൗൺസിൽ ഹാളിൽ ആർഎസ്എസ് ഗണഗീതവും പാടിയിരുന്നു.
