Prathinidhi Online
Related Articles
തിരുവനന്തപുരം: സംസ്ഥാനത്ത് ഇന്ന് മഴ കനക്കുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. കാറ്റിനൊപ്പം ഇടിയോടും കൂടിയ ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. കോഴിക്കോട്, കണ്ണൂര്, കാസര്ഗോഡ് ജീല്ലകളില് ഓറഞ്ച് അലര്ട്ടും ആലപ്പുഴ, ഇടുക്കി, എറണാകുളം, തൃശൂര്, പാലക്കാട്, മലപ്പുറം, വയനാട് ജില്ലകളില് ഇന്ന് യെല്ലോ അലര്ട്ടും പ്രഖ്യാപിച്ചിട്ടുണ്ട്. കേരള തീരത്ത് 28വരെയും കര്ണാടക, ലക്ഷ്ദ്വീപ് തീരങ്ങളില് 29 വരെയും മത്സ്യബന്ധനത്തിന് പൂര്ണ്ണ വിലക്ക് ഏര്പ്പെടുത്തിയിട്ടുണ്ട്. നാളെയും ഏഴ് ജില്ലകളില് യെല്ലോ അലര്ട്ട് തുടരും.
‘മൊന് ന്ത’ ചുഴലിക്കാറ്റ് നാളെ തീരം തൊടും
ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദം ശക്തിയാര്ജ്ജിച്ച് ‘മൊന് ന്ത’ ചുഴലിക്കാറ്റായി മാറി നാളെ തീരം തൊടുമെന്നാണ് പ്രവചനം. തീവ്ര ചുഴലിക്കാറ്റായി ഇത് ശക്തി പ്രാപിക്കാന് സാധ്യതയുണ്ടെന്നും ആന്ധ്രാപ്രദേശ് തീരത്തായിരിക്കും ഇത് കരയില് പ്രവേശിക്കുകയെന്നും മുന്നറിയിപ്പില് പറയുന്നു. മണിക്കൂറില് 110 കിലോമീറ്റര് വരെ വേഗതയില് കാറ്റ് വീശാന് സാധ്യതയുള്ളതിനാല് ഒഡീഷ, ആന്ധ്രാപ്രദേശ് സംസ്ഥാനങ്ങളില് അതീവ ജാഗ്രതാ നിര്ദ്ദേശം നല്കി. മൊന് ന്ത ചുഴലിക്കാറ്റായി മാറുന്നതോടെ ചെന്നെയിലും കനത്ത മഴയ്ക്കു സാധ്യതയെന്ന് കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്. ചെന്നൈ, കാഞ്ചീപുരം, തിരുവള്ളൂര്, റാണിപ്പെട്ട് ജില്ലകളില് ഇന്ന് അതിശക്ത മഴയ്ക്കുള്ള ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
ഒഡീഷയില് റെഡ് അലര്ട്ട് പ്രഖ്യാപിച്ചിരിക്കുകയാണ്. ഒഡീഷയിലെ എല്ലാ ജില്ലകളിലും ശക്തമായ മഴ മുന്നറിയിപ്പാണ് നല്കിയിട്ടുള്ളത്. അഞ്ച് ജില്ലകളില് റെഡ് അലര്ട്ട് പ്രഖ്യാപിച്ചു. അടിയന്തര സാഹചര്യങ്ങള് നേരിടുന്നതിനായി എന്.ഡി.ആര്.എഫ്. (ചഉഞഎ), എസ്.ഡി.ആര്.എഫ്. (ടഉഞഎ) സംഘങ്ങളെ വിവിധ സംസ്ഥാനങ്ങളില് സജ്ജമാക്കിയിട്ടുണ്ട്. കേരളത്തിലെ മഴയും, സമീപ സംസ്ഥാനങ്ങളെ ബാധിക്കുന്ന ചുഴലിക്കാറ്റും പരിഗണിച്ച് എല്ലാവരും ജാഗ്രത പാലിക്കണമെന്ന് അധികൃതര് അഭ്യര്ത്ഥിച്ചു.
