Prathinidhi Online
Related Articles
കൊച്ചി: കെനിയന് മുൻ പ്രധാനമന്തി റെയ്ല ഒഡിങ്ക (80) അന്തരിച്ചു. കൂത്താട്ടുകുളത്ത് ഹൃദയാഘാതത്തെ തുടര്ന്നാണ് അന്ത്യം. മകളുടെ തുടര്ചികിത്സയ്ക്കായി കൂത്താട്ടുകുളം ശ്രീധരീയത്തില് എത്തിയതായിരുന്നു അദ്ദേഹം. രാവിലെ പ്രഭാതസവാരിക്കിടെ കുഴഞ്ഞുവീഴുകയായിരുന്നു. ഉടന് കൂത്താട്ടുകുളത്തെ സ്വകാര്യ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. റെയ്ല ഒഡിങ്ക ആറു ദിവസം മുമ്പാണ് കൂത്താട്ടുകുളത്തെത്തിയത്. മകള് റോസ്മേരി ഒഡിങ്കയുടെ ചികിത്സയ്ക്ക് വേണ്ടി 2019ലാണ് ആദ്യമായി അദ്ദേഹം കേരളത്തിലെത്തുന്നത്. കെനിയന് രാഷ്ട്രീയ നേതാവായ റെയ്ല ഒഡിങ്ക 2008 മുതല് 2013 വരെയാണ് പ്രധാനമന്ത്രിയായത്. 2013 മുതല് പ്രതിപക്ഷ നേതാവായും പ്രവര്ത്തിച്ചിട്ടുണ്ട്. അഞ്ചു തവണ കെനിയന് പ്രസിഡന്റ് പദത്തിലേക്ക് മത്സരിച്ചെങ്കിലും പരാജയപ്പെട്ടിരുന്നു.
comments
