Prathinidhi Online
Related Articles
കൊച്ചി: ബലാത്സംഗ കേസില് രാഹുല് മാങ്കൂട്ടത്തിലിന്റെ അറസ്റ്റ് തടഞ്ഞ് ഹൈക്കോടതി. തനിക്കെതിരെ ഉയര്ന്ന ആരോപണം ബലാത്സംഗമായി കണക്കാക്കാനാകില്ലെന്നും അതിജീവിത പരാതി നല്കിയത് യഥാര്ത്ഥ രീതിയിലൂടെയല്ലെന്നുമാണ് രാഹുല് ഹര്ജിയില് ചൂണ്ടിക്കാണിച്ചത്. പോലീസിനെ സമീപിക്കുന്നതിന് പകരം യുവതി മുഖ്യമന്ത്രിക്കാണ് പരാതി നല്കിയതെന്നും രാഹുല് ചൂണ്ടിക്കാട്ടി. പരാതിക്കാരിയുമായുള്ള ലൈംഗിക ബന്ധം ഉഭയകക്ഷി സമ്മത പ്രകാരമുണ്ടായതാണെന്നും വര്ഷങ്ങളോളം നീണ്ടുനിന്ന ബന്ധം തകര്ന്നപ്പോള് ബലാത്സംഗ കേസായി മാറ്റിയതാണ്. കസ്റ്റഡിയില് ചോദ്യം ചെയ്യേണ്ട ആവശ്യമില്ലെന്നും ഹര്ജിയില് പറയുന്നു. കേസ് ഈ മാസം 15ന് പരിഗണിക്കാനായി മാറ്റിയിട്ടുണ്ട്.
ജസ്റ്റിസ് കെ ബാബുവിന്റെ ബെഞ്ചാണ് കേസ് പരിഗണിച്ചത്. തിരുവനന്തപുരം പ്രിന്സിപ്പല് സെഷന്സ് കോടതിയില് സമര്പ്പിച്ച മുന്കൂര് ജാമ്യാപേക്ഷ കഴിഞ്ഞ ദിവസം തള്ളിയിരുന്നു. ഇതെത്തുടര്ന്നാണ് രാഹുല് ഹൈക്കോടതിയെ സമീപിച്ചത്. അതേ സമയം, രാഹുല് ഒളിവിലായിട്ട് ഇന്നേക്ക് 10 ദിവസമായി. രാഹുലിനെ കണ്ടെത്താന് സംസ്ഥാനത്തിന് അകത്തും പുറത്തും പോലീസ് പരിശോധന കര്ശനമാക്കിയിട്ടുണ്ട്. പാലക്കാടും തമിഴ്നാട്ടിലും കര്ണാടകയിലും രാഹുലിനെ കണ്ടെത്താന് പരിശോധന നടക്കുന്നുണ്ട്. രാഹുലിനെതിരെ ഉയര്ന്ന രണ്ടാമത്തെ ബലാത്സംഗ കേസ് അന്വേഷിക്കാന് എസ്പി ജി.പൂങ്കൂഴലിയുടെ നേതൃത്വത്തില് പ്രത്യേക സംഘത്തെ നിയോഗിച്ചിട്ടുണ്ട്.
