Prathinidhi Online
Related Articles
തിരുവനന്തപുരം: സംസ്ഥാനത്ത് തദ്ദേശ തിരഞ്ഞെടുപ്പ് രണ്ട് ഘട്ടങ്ങളിലായി നടക്കുമെന്ന് സംസ്ഥാന തിരഞ്ഞെടുപ്പ് കമ്മീഷ്ണര് എ.ഷാജഹാന്. ഡിസംബര് 9,1 തിയ്യതികളിലാണ് തിരഞ്ഞെടുപ്പ്. ഡിസംബര് 13ന് വോട്ടെടുപ്പ് നടക്കും. തിരഞ്ഞെടുപ്പ് പ്രഖ്യാപിച്ചതോടെ സംസ്ഥാനത്ത് തിരഞ്ഞെടുപ്പ് പെരുമാറ്റച്ചട്ടം നിലവില് വന്നു. ആകെ 1200 തദ്ദേശ സ്ഥാപനങ്ങളിലേക്കാണ് ജനവിധി തേടുന്നത്. കഴിഞ്ഞ തവണ 3 ഘട്ടമായാണ് തിരഞ്ഞെടുപ്പ് നടന്നത്.
സംസ്ഥാനത്ത് 6 കോര്പറേഷനുകളും 87 നഗരസഭകളും 14 ജില്ലാ പഞ്ചായത്തുകളും 152 ബ്ലോക്ക് പഞ്ചായത്തുകളും 941 ഗ്രാമപഞ്ചായത്തുകളും 23612 വാര്ഡുകളുമാണുള്ളത്. രാവിലെ 7 മണിമുതല് വൈകീട്ട് 6 മണിവരെയാണ് പോളിങ്. തിരുവനന്തപുരം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് ഡിസംബര് 9നാണ് തിരഞ്ഞെടുപ്പ്. തൃശൂര്, വയനാട്, പാലക്കാട്, കോഴിക്കോട്, മലപ്പുറം, കണ്ണൂര്, കാസര്ഗോഡ് ജില്ലകളില് ഡിസംബര് 11ന് തിരഞ്ഞെടുപ്പ് നടക്കും. നവംബര് 14ന് വിജ്ഞാപനം പുറപ്പെടുവിക്കും. നാമനിര്ദേശം നല്കാനുള്ള അവസാന തിയ്യതി നവംബര് 21 ആണ്. സൂക്ഷ്മ പരിശോധന 22ന് നടക്കും. നാമനിര്ദേശ പത്രിക നവംബര് 24 വരെ പിന്വലിക്കാം.
