Prathinidhi Online
Related Articles
പാലക്കാട്: കൊടുവായൂര് ഗ്രാമ പഞ്ചായത്തില് മാലിന്യസംഭരണ കേന്ദ്രത്തിന്റെ ഉദ്ഘാടനം കെ.ബാബു എം.എല്.എ നിര്വഹിച്ചു. മാലിന്യ സംഭരണ കേന്ദ്രത്തില് സജ്ജീകരിച്ച കണ്വേയര് ബെല്റ്റ് ആന്ഡ് സോര്ട്ടിങ് ടേബിളിന്റെ സ്വിച്ച് ഓണ് കര്മവും നിര്വഹിച്ചു. 2023-24 വാര്ഷിക പദ്ധതിയില് ഉള്പ്പെടുത്തി 80 ലക്ഷം രൂപ ചെലവഴിച്ചാണ് എം.സി.എഫ് നിര്മിച്ചിരിക്കുന്നത്. 2024 – 25 പദ്ധതിയില് ഉള്പ്പെടുത്തി 514770 രൂപയാണ് കണ്വേയര് ബെല്റ്റ് സോര്ട്ടിങ് ടേബിളിനായി വകയിരുത്തിട്ടുള്ളത്.
പരിപാടിയില് കൊടുവായൂര് ഗ്രാമപഞ്ചായത്ത് പ്രസിഡന്റ് വി.പ്രേമ സുകുമാരന് അധ്യക്ഷത വഹിച്ചു. ജില്ലാ പഞ്ചായത്ത് മെമ്പര് എം.രാജന്, ജില്ലാ ജോയിന്റ് ഡയറക്ടര് കെ.ഗോപിനാഥ് എന്നിവര് വിശിഷ്ടാതിഥികളായി. വൈസ് പ്രസിഡന്റ് എം.ആറുമുഖന്, വികസനകാര്യ സ്റ്റാന്ഡിങ് കമ്മിറ്റി ചെയര്പേഴ്സണ് പി.ശാന്തകുമാരി, ക്ഷേമകാര്യ സ്റ്റാന്ഡിങ് കമ്മിറ്റി ചെയര്പേഴ്സണ് പി.എന് ശബരീശന്, ആരോഗ്യ-വിദ്യാഭ്യാസ കമ്മിറ്റി ചെയര്പേഴ്സണ് എസ്.മഞ്ജു സച്ചിദാനന്ദന്, ഗ്രാമപഞ്ചായത്ത് സെക്രട്ടറി കെ.നാരായണന്, അസിസ്റ്റന്റ് സെക്രട്ടറി വി.ശ്രീലേഖ, കുടുംബശ്രീ ചെയര്പേഴ്സണ് വി.ദേവയാനി, ഹരിതകര്മ സേനാംഗങ്ങള്, കുടുംബശ്രീ അംഗങ്ങള് തുടങ്ങിയവര് പങ്കെടുത്തു.
