Prathinidhi Online
Related Articles
പാലക്കാട്: വൈദ്യുതി തടസ്സം നേരിട്ടാൽ ഉടന് പരിഹരിക്കാരം ലഭ്യമാക്കാൻ മുഴുവന്സമയ സേവനവുമായി കെഎസ്ഇബി. 741 സെക്ഷന് ഓഫീസുകളിലും 24 മണിക്കൂർ പ്രവർത്തിക്കുന്ന വൈദ്യുതി പുനഃസ്ഥാപന ടീം (എസ്ആര്ടി) സജ്ജമാക്കും. ഫീല്ഡ് ജീവനക്കാര്ക്ക് മൂന്നുഷിഫ്റ്റ് സമ്പ്രദായമാണ് നടപ്പിലാക്കുന്നത്. നിലവില് സംസ്ഥാനത്തെ 29 സെക്ഷന് ഓഫീസുകളില് മാത്രമാണ് എസ്ആര്ടി ഉള്ളത്. ഇത് വിപുലമാക്കാനുള്ള പ്രവർത്തനങ്ങളാണ് വകുപ്പ് സ്വീകരിക്കുന്നത്.
പുതിയ സംവിധാനത്തിനായി ഫീല്ഡിലുള്ള 11,841 ജീവനക്കാരുടെ ജോലിസമയത്തില് ക്രമീകരണം വരുത്തും. 741 അസി. എന്ജിനിയര്മാര്, 1,482 സബ് എന്ജിനിയര്മാര്, 3,278 ഓവര്സിയര്മാര്, 6,350 ലൈന്മാന്മാര് എന്നിവരുടെ സേവനമാണ് പുനഃക്രമീകരിക്കുക. 7 മുതൽ 2 വരെയും 2 മണി മുതൽ രാത്രി 9 മണി വരെയും 9 മുതൽ പുലർച്ചെ 7 മണി വരെയുമുള്ള 3 ഷിഫ്റ്റുകളാണ് ക്രമീകരിക്കുന്നത്. ഓരോ ഷിഫ്റ്റിലും രണ്ട് ലൈന്മാന്മാരെയും ഒരു ഓവര്സിയറെയും സ്ഥിരമായി ഉള്പ്പെടുത്തും.പ്രകൃതിക്ഷോഭംപോലുള്ള അടിയന്തര അവസരങ്ങളില് ആവശ്യമായിവന്നാല് ഓഫ് ഡ്യൂട്ടിയുള്ളവരുടെയും മറ്റ് ഷിഫ്റ്റുകളിലുള്ളവരുടെയും സേവനവും ഉപയോഗിക്കും
