Prathinidhi Online
Related Articles
മലപ്പുറം: എടപ്പാളില് ശാരീരിക വെല്ലുവിളി നേരിടുന്ന മകളെ കൊലപ്പെടുത്തിയ ശേഷം അമ്മ ജീവനൊടുക്കി. കണ്ടനകം സ്വദേശിനി അനിതാകുമാരി (57) യാണ് സെറിബ്രല് പള്സി ബാധിച്ച മകള് അഞ്ജന (27) യെ കൊലപ്പെടുത്തി ആത്മഹത്യ ചെയ്തത്. അഞ്ജനയെ വീട്ടിലെ ഡ്രമ്മിലെ വെള്ളത്തില് മുക്കി കൊലപ്പെടുത്തുകയായിരുന്നു. ശേഷം അനിതകുമാരി തൂങ്ങി മരിച്ചെന്നാണ് പൊലീസിന്റെ നിഗമനം. വീടിന് സമീപത്തെ മരത്തില് തൂങ്ങി മരിച്ച നിലയിലാണ് അനിതകുമാരിയുടെ മൃതദേഹം കണ്ടെത്തിയത്.
ബുധനാഴ്ച രാവിലെ എട്ട് മണിയോടെയാണ് സംഭവം. സംഭവം നടക്കുന്ന സമയത്ത് ഇവരുടെ മകന് ജോലിയ്ക്ക് പോയതായിരുന്നു. പ്രദേശവാസികളാണ് ഇരുവരേയും വീട്ടില് മരിച്ച നിലയില് കണ്ടെത്തിയത്. അനിതാകുമാരിയുടെ ഭര്ത്താവ് ഒരു മാസം മുമ്പ് മരിച്ചിരുന്നു. ഇതോടെ അനിതകുമാരി വിഷാദത്തിലായിരുന്നുവെന്ന് ബന്ധുക്കള് പറയുന്നു. കൂടാതെ മകളുടെ രോഗത്തിന് ചികിത്സ കിട്ടാതിരുന്നതും അനിതാകുമാരിയെ അലട്ടിയിരുന്നതായി പൊലീസ് പറയുന്നു. സംഭവത്തില് പൊലീസ് സ്ഥലത്തെത്തി അന്വേഷണം ആരംഭിച്ചു.
