Prathinidhi Online

എലപ്പുള്ളി: സംസ്ഥാന സ്‌കൂള്‍ കായിക മേളയില്‍ സീനിയര്‍ പെണ്‍കുട്ടികളുടെ ഖൊഖൊ മത്സരത്തില്‍ സ്വര്‍ണം നേടിയ പാലക്കാട് ടീമംഗം അശ്വനിമോള്‍ക്ക് നാടിന്റെ ആദരം. നാടിന്റെ അഭിമാനമായി മാറിയ അശ്വിനിമോളെ ഐശ്വര്യ ക്ലബ്ല് ആലമ്പള്ളവും ഡിവൈഎഫ്‌ഐയും മറ്റു യുവജന-സാംസ്‌കാരിക സംഘടനകളും അനുമോദിച്ചു. എലപ്പുള്ളി ജി.എ.പി.എച്ച്.എസ്.എസിലെ പ്ലസ് വണ്‍ വിദ്യാര്‍ത്ഥിനിയാണ് അശ്വിനിമോള്‍. കഴിഞ്ഞ മൂന്നുവര്‍ഷമായി ചിറ്റൂര്‍ ഉപജില്ല ഖൊഖൊ മത്സരത്തിലെ ജേതാക്കളായ ടീമിലെ അംഗമാണ്. പുതുശ്ശേരി ആലംപള്ളം സ്വദേശികളായ ഗോപി-രജിത ദമ്പതികളുടെ മകളാണ്.

പാലക്കാട്: അര്‍ഹതയുണ്ടായിട്ടും ലൈഫ് പദ്ധതിയില്‍ വീട് ലഭിച്ചില്ലെന്ന പരാതിയുമായി യുവതിയും കുടുംബവും. പാലക്കാട് നാഗലശ്ശേരി പഞ്ചായത്തില്‍ 7ാം വാര്‍ഡില്‍ സ്ഥിരതാമസക്കാരായ മേനാത്ത് വീട്ടില്‍ പ്രബിതയും ഭര്‍ത്താവ് വിജയനുമാണ് പ്രതിഷേധവുമായി രംഗത്തെത്തിയത്. സുരക്ഷിത ഭവനമൊരുക്കാന്‍ പഞ്ചായത്ത് സഹായിച്ചില്ലെങ്കില്‍ രണ്ട് മക്കളേയും ചേര്‍ത്ത് ആത്മഹത്യ ചെയ്യുമെന്നും കുടുംബം പത്രസമ്മേളനത്തില്‍ മുന്നറിയിപ്പ് നല്‍കി. ഇടിഞ്ഞു പൊളിഞ്ഞ വീട്ടിലാണ് പ്രബിതയും രണ്ടുമക്കളും താമസിക്കുന്നത്. 2018ല്‍ വീടിന് അപേക്ഷ നല്‍കുകയും ഏറ്റവും മുന്‍ഗണനയുള്ള കുടുംബം എന്ന നിലയില്‍ …

പാലക്കാട്: ഓങ്ങല്ലൂര്‍ ഗ്രാമപഞ്ചായത്തിന് കീഴിലെ കുടുംബാരോഗ്യകേന്ദ്രത്തില്‍ ഡാറ്റാ എന്‍ട്രി ഓപ്പറേറ്റര്‍ തസ്തികയില്‍ നിയമനം നടത്തുന്നു. ഏതെങ്കിലും വിഷയത്തില്‍ ബിരുദവും ഗവ അംഗീകൃത കമ്പ്യൂട്ടര്‍ ആപ്ലിക്കേഷനില്‍ ഡിപ്ലോമയുമാണ് യോഗ്യത. താല്‍പര്യമുള്ളവര്‍ നവംബര്‍ ഒന്നിന് വൈകീട്ട് അഞ്ചിനുള്ളില്‍ അപേക്ഷിക്കണം. ഫോണ്‍: 8075088170