Prathinidhi Online
Related Articles
തിരുവനന്തപുരം: തദ്ദേശ സ്ഥാപനങ്ങളിലേക്ക് വോട്ടെടുപ്പ് നടക്കുന്ന ദിവസങ്ങളില് സംസ്ഥാനത്ത് പൊതു അവധി പ്രഖ്യാപിക്കാന് സംസ്ഥാന സര്ക്കാരിന് തിരഞ്ഞെടുപ്പ് കമ്മീഷന് നിര്ദേശം നല്കി. ഡിസംബര് 9,11 തീയതികളില് അതത് ജില്ലകളില് പൊതു അവധിയും, നെഗോഷ്യബിള് ഇന്സ്ട്രുമെന്റ് ആക്ട് അനുസരിച്ചുള്ള അവധിയും അനുവദിക്കണമെന്നാണ് നിര്ദ്ദേശം. ഡിസംബര് 9ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലും ഡിസംബര് 11ന് തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ് ജില്ലകളിലുമാണ് അവധി.
സംസ്ഥാനത്തെ ഫാക്ടറി, പ്ലാന്റേഷന് മറ്റ് ഇതര വിഭാഗം ജീവനക്കാര്ക്കും കൂടി പൊതുഅവധി ലഭ്യമാക്കുന്നതിനുള്ള നടപടികള് സര്ക്കാര് കൈക്കൊള്ളാനും കമ്മീഷന് സര്ക്കാരിനോട് ആവശ്യപ്പെട്ടിട്ടുണ്ട്. അതിനു സാധിച്ചില്ലെങ്കില് തൊഴിലാളികള്ക്ക് വോട്ട് രേഖപ്പെടുത്താനുള്ള സാഹചര്യം ലഭിക്കുന്നുണ്ടെന്ന് സര്ക്കാര് ഉറപ്പുവരുത്തണണെന്നും നിര്ദ്ദേശിട്ടുണ്ട്. കേന്ദ്ര സര്ക്കാര് വകുപ്പുകളിലെയും, കേന്ദ്ര പൊതുമേഖലാ സ്ഥാപനങ്ങളിലെയും ജീവനക്കാര്ക്ക് വോട്ടെടുപ്പ് ദിവസങ്ങളില് അവധി അനുവദിക്കുന്നതിന് നടപടി സ്വീകരിക്കാന് കേന്ദ്ര പേഴ്സണല് ആന്ഡ് ട്രെയിനിങ് വകുപ്പിനോടും കമ്മീഷന് ആവശ്യപ്പെട്ടു. രാവിലെ 7 മുതല് വൈകുന്നേരം 6 വരെയാണ് വോട്ടെടുപ്പ് സമയം.
