Prathinidhi Online
Related Articles
കല്പ്പറ്റ: താമരശ്ശേരി ചുരത്തില് റോഡ് നവീകരണത്തിന്റെ ഭാഗമായി ഗതാഗത നിയന്ത്രണം ഏര്പ്പെടുത്തി. വെള്ളിയാഴ്ച മുതല് നാല് ദിവസത്തേക്കാണ് നിയന്ത്രണം. പൊതുഗതാഗതം ഒഴികെയുള്ള വാഹനങ്ങള്ക്ക് നിയന്ത്രണമുണ്ട്. ബസുകള് നിയന്ത്രിച്ചായിരിക്കും കടത്തി വിടുക. ചുരത്തിലെ വീതി കൂട്ടുന്നതിന്റെ ഭാഗമായി മുറിച്ചിട്ട മരങ്ങള് ലോഡ് ചെയ്യുന്നതിനാണ് ഗതാഗത നിയന്ത്രണങ്ങള് ഏര്പ്പെടുത്തിയത്. വാഹനങ്ങള്ക്ക് പോലീസ് ഏര്പ്പെടുത്തിയ നിയന്ത്രണങ്ങള് അറിയാം.
കോഴിക്കോട് ഭാഗത്തേക്ക് പോകുന്ന പൊതുഗതാഗതം ഒഴികെയുള്ള വാഹനങ്ങള് കുറ്റ്യാടി ചുരം വഴിയാണ് പോകേണ്ടത്. ബത്തേരി ഭാഗത്ത് നിന്ന് വരുന്ന വാഹനങ്ങള് പനമരം നാലാം മൈല് കൊറോം വഴിയും, മീനങ്ങാടി ഭാഗത്ത് നിന്ന് വരുന്നവ പച്ചിലക്കാട് പനമരം നാലാം മൈല് വഴിയും കല്പ്പറ്റ ഭാഗത്തു നിന്നുള്ളവര് പനമരം നാലാം മൈല് വഴിയും വൈത്തിരി ഭാഗത്ത് നിന്ന് വരുന്നവര് പടിഞ്ഞാറത്തറ വെള്ളമുണ്ട വഴിയും പോകേണ്ടതാണ്. വടുവന്ചാല് ഭാഗത്ത് കോഴിക്കോട് ഭാഗത്തേക്ക് പോകുന്നവര് നാടുകാണി ചുരം വഴി യാത്ര ചെയ്യാന് ശ്രദ്ധിക്കണം. വെള്ളിയാഴ്ച മുതല് നാല് ദിവസത്തേക്ക് മള്ട്ടി ആക്സില് വാഹനങ്ങള്ക്ക് നിയന്ത്രണം ഉണ്ടായിരിക്കും. ഗതാഗത നിയന്ത്രണ നടപടികളോട് യാത്രക്കാര് സഹകരിക്കണമെന്ന് ജില്ലാ പോലീസ് മേധാവി തപോഷ് ബസുമതാരി അറിയിച്ചു.
