Prathinidhi Online
Related Articles
പാലക്കാട്: ചീരണി ജനകീയാരോഗ്യ കേന്ദ്രം ആരോഗ്യമന്ത്രി വീണാ ജോര്ജ്ജ് നാടിന് സമര്പ്പിച്ചു. കൊല്ലങ്കോട് ഗ്രാമ പഞ്ചായത്ത് 2022 നവംബറിലാണ് ആശുപത്രി നിര്മ്മാണ പ്രവര്ത്തനങ്ങള് തുടങ്ങിയത്. ജനകീയാരോഗ്യ കേന്ദ്രങ്ങളുടെ അടിസ്ഥാന ലക്ഷ്യം പൊതുജനാരോഗ്യ സേവനവും രോഗപ്രതിരോധവും രോഗ നിയന്ത്രണവുമാണെന്ന് ഉദ്ഘാടന പ്രസംഗത്തിനിടെ ആരോഗ്യ മന്ത്രി പറഞ്ഞു. പരിപാടിയില് കെ. രാധാകൃഷ്ണന് എം.പി മുഖ്യാതിഥിയും കെ ബാബു എം.എല്.എ അധ്യക്ഷതയും വഹിച്ചു.
1144 ചതുരശ്ര അടി വിസ്തൃതിയില് രണ്ടുനിലകളിലായി ക്ലിനിക്ക് സി യു എം (CUM) ഓഫീസ്, കുത്തിവയ്പ്പ് മുറി, ഐയുഡി ക്കുള്ള സൗകര്യം, വെയ്റ്റിങ്ങ് ഏരിയ, മുലയൂട്ടുന്ന മുറി, സ്റ്റോര് റൂം, ശുചിമുറികള് എന്നിവയും മുകളിലത്തെ നിലയില് ജീവനക്കാര്ക്ക് താമസിക്കുന്നതിനുള്ള ക്വാര്ട്ടേഴ്സുമാണ് ഉള്പ്പെടുത്തിയിരിക്കുന്നത്. ആരോഗ്യ വകുപ്പ് നല്കിയ 55.5 ലക്ഷം രൂപ വിനിയോഗിച്ചാണ് നിര്മ്മാണ പ്രവര്ത്തനങ്ങള് പൂര്ത്തിയാക്കിയത്. ജില്ലാ നിര്മിതി കേന്ദ്രമാണ് നിര്മ്മാണ പ്രവൃത്തികള് നടപ്പിലാക്കിയത്. ജില്ലാ മെഡിക്കല് ഓഫിസര് (ആരോഗ്യം) ടി.വി റോഷ് റിപ്പോര്ട്ട് അവതരിപ്പിച്ചു.
ജില്ലാ പഞ്ചായത്ത് പൊതുമരാമത്ത് സ്ഥിരം സമിതി ചെയര്പേഴ്സണ് ശാലിനി കറുപ്പേഷ്,
കൊല്ലങ്കോട് ബ്ലോക്ക് പഞ്ചായത്ത് പ്രസിഡന്റ് ആര്. ചിന്നകുട്ടന്, കൊല്ലങ്കോട് ബ്ലോക്ക് പഞ്ചായത്ത് മെമ്പര് ഓമന സുബ്രഹ്മണ്യന്, കൊല്ലങ്കോട് ഗ്രാമപഞ്ചായത്ത് പ്രസിഡന്റ് കെ. സത്യപാല്, കൊല്ലങ്കോട് ഗ്രാമ പഞ്ചായത്ത് വൈസ് പ്രസിഡന്റ് സി.ഗിരിജ, ആരോഗ്യ വിദ്യാഭ്യാസ സ്ഥിരം സമിതി ചെയര്പേഴ്സണ് പി.സി ഉണ്ണികൃഷ്ണന്, വികസന കാര്യ സ്റ്റാന്റിങ് കമ്മിറ്റി ചെയര്പേഴ്സണ് രാധാ പഴണിമല, ക്ഷേമകാര്യ സ്ഥിരം സമിതി ചെയര്പേഴ്സണ് ആര്.ശിവന്, കൊല്ലങ്കോട് കുടുംബാരോഗ്യ കേന്ദ്രം മെഡിക്കല് ഓഫീസര് എം.ബോബി മാണി, മറ്റു മെമ്പര്മാര് ആശാവര്ക്കര്മാര്, അങ്കണവാടി പ്രവര്ത്തകര്, കുടുംബശ്രീ പ്രവര്ത്തകര്, ആരോഗ്യ പ്രവര്ത്തകര് എന്നിവര് പരിപാടിയില് പങ്കെടുത്തു.
