Prathinidhi Online
Related Articles
ഇടുക്കി: മഴ കടുത്തതോടെ മുല്ലപ്പെരിയാര് അണക്കെട്ടിലെ ജലനിരപ്പ് വീണ്ടും ഉയര്ന്ന് 139.30 അടിയിലെത്തി. ജലനിരപ്പ് 140 അടിയിലേക്ക് എത്തുന്നതൊഴിവാക്കാന് സ്പില്വെ വഴി കൂടുതല് വെള്ളം പുറത്തേക്ക് ഒഴുക്കിവിടാനാണ് തീരുമാനം. വൃഷ്ടി പ്രദേശങ്ങളിലടക്കം കനത്ത മഴ പെയ്തത് ആശങ്ക ഉയര്ത്തുന്നുണ്ട്. നിലവില് സ്പില്വെ വഴി പുറത്തേക്ക് ഒഴുക്കിവിടുന്ന വെള്ളത്തിന്റെ അളവ് സെക്കന്ഡില് 9120 ഘനയടിയാണ്. അപകടമേഖലകളില് നിന്ന് ആളുകളെ മാറ്റിപ്പാര്പ്പിച്ചിട്ടുണ്ട്.
ഇതിനിടെ, അധികജലം ഒഴുക്കി കളയുന്നതിനായി ഇന്ന് രാവിലെ ഒമ്പത് മണിക്ക് മുഴുവന് സ്പില്വെ ഷട്ടറുകളും ഉയര്ത്തുമെന്ന അടിയന്തര മുന്നറിയിപ്പും തമിഴ്നാട് ജലവിഭവ വകുപ്പ് വിഭാഗം പുറത്തിറക്കി. പുറത്തേക്ക് ഒഴുകുന്ന വെള്ളത്തിന്റെ അളവ് കൂട്ടാനാണ് തീരുമാനം. 13 ഷട്ടറുകളും ഒന്നര മീറ്റര് ഉയര്ത്തിയായിരിക്കും വലിയ തോതില് വെള്ളം പുറത്തേക്ക് ഒഴുക്കിവിടുക. സെക്കന്ഡില് 10000 ഘനയടി വെള്ളം ഒഴുക്കാനാണ് ലക്ഷ്യമിടുന്നത്.
ജില്ലയില് പലയിടത്തും കനത്ത മഴപെയ്തു. കുമിളി മേഖലയില് പലയിടത്തും മണ്ണിടിഞ്ഞും മലവെള്ളപ്പാച്ചിലുണ്ടായും വ്യാപക നാശനഷ്ടമാണുണ്ടായത്. കുമളി പത്തുമുറി റൂട്ടില് മണ്ണിടിച്ചിലുണ്ടായി ഗതാഗതം പൂര്ണമായും തടസപ്പെട്ടു. കുമളി ആനവിലാസം റൂട്ടിലും പലയിടത്തും മണ്ണിടിച്ചിലുണ്ടായിട്ടുണ്ട്.
