Prathinidhi Online
Related Articles
ന്യൂഡല്ഹി: ഔദ്യോഗിക രേഖയായും സാമ്പത്തിക ഇടപാടുകളിലും പാന്കാര്ഡ് വളരെ പ്രധാനപ്പെട്ട രേഖയാണ്. ആദായ നികുതി റിട്ടേണ് സമര്പ്പിക്കല്, ബാങ്ക് അക്കൗണ്ട് തുടങ്ങുന്നത്, വലിയ ഇടപാടുകള് നടത്തുന്നതിനുമെല്ലാം പാന് കാര്ഡ് നിര്ബന്ധമാണ്. എന്നാല് ആധാര് പാന് കാര്ഡുമായി ലിങ്ക് ചെയ്തിട്ടില്ലെങ്കില് പാന് ജനുവരി 1 മുതല് പാന്കാര്ഡ് പ്രവര്ത്തനരഹിതമാകും. പാന് കാര്ഡ് ആധാറുമായി ബന്ധിപ്പിക്കുന്നതിനുള്ള അവസാന തീയതി 2025 ഡിസംബര് 31 ആണ്. ഈ പ്രക്രിയ പൂര്ത്തിയാക്കിയില്ലെങ്കില് 2026 ജനുവരി 1 മുതല് പാന് കാര്ഡ് അസാധുവാകും. ഇത് വീട്ടിലിരുന്നും ലളിതമായി ചെയ്യാവുന്ന ഒന്നാണ്.
ആധാറുമായി പാന്കാര്ഡ് ബന്ധിപ്പിക്കുന്നതിന്:
ആദായനികുതി ഇ-ഫയലിങ് പോര്ട്ടല് സന്ദര്ശിക്കുക: [https://www.incometax.gov.in/iec/foportal/)
‘ലിങ്ക് ആധാര്’ (ഹോംപേജില് താഴെ ഇടതുവശത്ത്) ക്ലിക്ക് ചെയ്യുക
കാണിച്ചിരിക്കുന്ന ഫീല്ഡുകളില് നിങ്ങളുടെ 10 അക്ക പാന്, 12 അക്ക ആധാര് നമ്പറുകള് നല്കുക
സ്ക്രീനിലെ നിര്ദേശങ്ങള് പാലിച്ച് 1,000 രൂപ പേയ്മെന്റ് പൂര്ത്തിയാക്കുക
അപേക്ഷ സമര്പ്പിക്കുക– പോര്ട്ടല് അത് സ്വീകരിക്കുകയും ലിങ്കിങ് പ്രോസസ്സ് ചെയ്യുകയും ചെയ്യും
ഓണ്ലൈനിലൂടെ പരിശോധിക്കുന്ന വിധം:
uidai.gov.in എന്ന വെബ്സൈറ്റ് സന്ദര്ശിക്കുക
ആധാര് സര്വീസസില് ക്ലിക്ക് ചെയ്യുക
ആധാര് ലിങ്കിങ് സ്റ്റാറ്റസ് തെരഞ്ഞെടുക്കുക
12 അക്ക ആധാര് നമ്പര് നല്കി ഗെറ്റ് സ്റ്റാറ്റസില് ക്ലിക്ക് ചെയ്യുക
പാന് കാര്ഡ് നമ്പര് നല്കുക
സെക്യൂരിറ്റി വെരിഫിക്കേഷന് കാപ്ച കോഡ് നല്കുക
ഗെറ്റ് ലിങ്കിങ് സ്റ്റാറ്റസില് ക്ലിക്ക് ചെയ്യുന്നതോടെ നടപടി പൂര്ത്തിയായി
തുടര്ന്ന് ആധാര് പാനുമായി ബന്ധിപ്പിച്ചിട്ടുണ്ടോ എന്ന് അറിയാന് സാധിക്കും
www.nsdl.com ല് കയറിയും സമാനമായ നിലയില് ലിങ്ക് ചെയ്തിട്ടുണ്ടോ എന്ന് പരിശോധിക്കാന് സാധിക്കും
എസ്എംഎസ് വഴി പരിശോധിക്കുന്ന വിധം:
UIDPAN എന്ന് ടൈപ്പ് ചെയ്യുക
സ്പേസ് ഇട്ട ശേഷം ആധാര് നമ്പര് നല്കുക
വീണ്ടും സ്പേസ് ഇട്ട ശേഷം പാന് നമ്പര് ടൈപ്പ് ചെയ്യുക
UIDPAN < 12 digit Aadhaar number> < 10 digit Permanent Account Number> ഇതായിരിക്കണം ഫോര്മാറ്റ്
567678 അല്ലെങ്കില് 56161 എന്ന നമ്പറിലേക്ക് വേണം എസ്എംഎസ് അയക്കാന്
ആധാറുമായി പാന് ബന്ധിപ്പിച്ചിട്ടുണ്ടോ എന്ന് അറിയാന് സാധിക്കും.
